Bartzelonako Maristetako hiru maisuk abusuak egin izana aitortu dute
A.F. ustezko pederastak bere ikasleei egindako sexu-abusuak aitortu ditu. Maristetako maisuaren aitorpena lortzeko kamera ezkutua erabili behar izan dute. 80ko hamarkadan abusuen biktimak izan zirenek irakaslea “munstroa” zela adierazi dute.
El Periodico de Catalunya-k gaur argitaratu duenez, 70 bat urte dituen gizona sexu-abusuak aitortzen dituen Maristetako hirugarren irakaslea da. “Sentitzen dut mutil” eta “damututa nago” adierazi du maisuak.
Ikasle ohi batek elkarrizketa grabatu zuen kamera ezkutu batekin. Haurra zenean, bere gainean masturbatzen zenean, zer sentitzen zuen azaltzeko eskatu zion biktimak. “Umeen joko bat modukoa zen, ume batek beste ume bati egindakoa”, azaldu du A.F. irakasleak.
"Barkamena eskatzen dizut, zintzo esaten dizut"
“Hotzean pentsatuz gero, nik ere azaldu ezin ditzakedan gauzak egin ditut”, onartu du maisuak. "Barkamena eskatzen dizut, zintzo esaten dizut", esaten dio biktimari.
“Ehunka eta ehunka aldi izan ziren”, gogorarazten dio biktimak. “Zenbatu dituzu?”, galdetzen dio ikasle ohiak. “Ez”, erantzuten dio irakasle ohiak. “Orduan nuen tratamendu kaka bati botatzen diot nik errua. Giza plazenta zuen, eta ez dakit zer eragin zidan horrek edo…”, gaineratzen du.
Azken honekin Maristetako hiru irakasle dira sexu-abusuak aitortu dituztenak. Pixkanaka-pixkanaka ikasle ohiak abusuak salatzen ari dira.
Sants-Les Corts ikastetxea eta La Inmaculada eskola
Joaquim Benitez abusuak aitortzen aurrena izan zen. Sants-Les Corts ikastetxeko heziketa fisikoko irakaslea izan zen. 20 ikasle ohik salatu dute. Espainiako eskola-pederastia eskandalu larriena argitara eman zuen Benitezek.
A.E. La Inmaculada eskolako (Eixample) irakaslea abusuak aitortzen bigarrena izan zen. Biktimen genitalak ukitzen zituela onartu zuen elkarrizketa batean. A.F. hirugarrena izan da. Orain grabatu duen biktimak A.F. irakasleak sei urtetan zehar bortxatu zuela azaldu zuen.
Sexu-abusuen eskandaluak Bartzelonako Maristen bi ikastetxeko zazpi irakasleri eta monitore bati eragiten die dagoeneko. A.F. maisuak L'Hospitalet de Llobregateko etxea utzi zuen eskandalua argitara eman zutenean, eta Osona ezkutatu zen.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.