Pau Gasol Rio de Janeirora ez joatea 'aztertzen' ari da
Rio de Janeiroko Olinpiar Jokoetara joatea ala ez aztertzen ari dira kirolariak, “egoerak larritasun nahikoa duelako”, esan zuen atzo Pau Gasol Espainiako selekzioko jokalariak, Zikaren birusari erreferentzia eginez. Gaixotasuna dela eta, bera ere lehiaketara ez joatea “aztertzen” ari dela baieztatu zuen Gasolek.
“Egoera nahiko larria da, eta ezjakintasuna handia da, baita adituen artean ere. Zenbait adituk Olinpiar Jokoak atzeratzea edo lekuz aldatzea eskatu dute; 150 adituk, ostera, ez. Nahiz eta hitz lasaigarriak esan, eztabaida dago. Beste edozein atleta edo pertsona bezalaxe, Riora joateko aukera aztertzen ari naiz”, azaldu zuen Gasolek, Banco Popularrek antolatutako ekitaldian, Madrilen.
Gasolen hitzetan, “ez zen harritzekoa izango atleta batzuek ez parte hartzeko erabakia hartzea, euren osasuna eta senideena arriskuan ez jartzeko”. “Egoera nahiko zaila da”, esan zuen pibotak. Horren aurrean, “olinpiar batzorde nazionalei eta munduko osasun arduradunei ehuneko ehunean eta argi informatzeko” eskatu die saskibaloi jokalariak.
“Kontzientziatzeko eta informatzeko ardura dut”
“Informazio guztia jakitera eman behar dute. Kontzientziatzeko eta informatzeko ardura dut, gaiari buruz nahikoa hitz egiten ari ez garelako, eta ezjakintasuna handia da”, adierazi zuen Gasolek. “Kirolariaren, zaleen eta senitartekoen osasuna beste ezeren aurretik jartzeko” eskatu zuen.
Jokoetan “birusa zabaltzeko aukera” badela ohartarazi zuen kirolariak, baina beste gaixotasun batzuk zabaltzeko aukera ere emango du, horren ustez. “Dengea eragiten duen birusaz ez da deus hitz egiten, baina infekzioen kopuruak % 320 egin du gora”, azpimarratu zuen.
> >Albiste gehiago gizartea
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.
Mozkortzearen ondorioak simulatzen dituen alkoholik gabeko lehen garagardoa sortu dute
Erresuma Batuko laborategi batek mozkorturik egotearen efektua lortzen duen alkoholik gabeko lehen garagardoa egin du: Sentia Spirits. Ondoezak ez du luze irauten, edan eta hogei minutu edo ordu erdira desagertzen baita horren eragina, eta ez du biharamunik uzten.
Irailarekin batera, neguko ordutegiak itzuliko dira garraio publikora eta TAO zerbitzura
TAO zerbitzua ohiko ordutegietara itzuliko da udan ezarritako aldaketen ondoren. Itzulera hiriko trafikoaren gorakadarekin eta lan-jardueraren gorakadarekin bat dator.
Emakume bat hil eta hiru pertsona zauritu dira Lemoan izandako auto-istripu batean
Ezbeharra 01:40 aldera gertatu da. Ertzaintzak ikerketa abiatu du gertatutakoa argitzeko.
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.