Ikeak 29 milioi altzari erretiratu ditu hiru haur hil ondoren
Ikea, altzarien konpainia suediarrak AEBko eta Kanadako merkatutik iraultzeko arriskua zuten MALM modeloko 29 milioi apain-mahai eta komoda erretiratu ditu, hirugarren haur bat hil ondoren.
AEBko Kontsumitzaileen Segurtasun Batzordearen (CPSC) arabera, komodak eta apain-mahaiak “oso ezegonkorrak” dira ez badira hormara behar bezala lotzen. Horregatik “iraultzeko arrisku handia daukate”, ohartarazi dute.
Batzordearen arabera, 2014ko otsailean eta ekainean, bi haur, bata 23 hilabetekoa eta bestea 2 urtekoa altzariak zapalduta hil zirela gogorarazi du. Azkeneko heriotza aurten gertatu da 22 hilabeteko haur bat Minesotan altzariak zapalduta hil zenean.
Hori horrela, Ikeak eta CPSCk kanpaina bat jarri zuten martxan "MALM" modeloko apain-mahaiak eta komodak erosi zituztenek altzariak behar bezala hormetara lotzeko.
Hala ere, 41 istripu gehiago gertatu dira, eta 17 haurrek zauriak izan dituzte.
Konpainia suediarrak erosleei dirua bueltatuko diela, edo altzariak hormetara lotzeko doako zerbitzua eskainiko diela iragarri du.
“Kontsumitzaileek MALM modeloko apain-mahaian eta komodak erabiltzeari utzi behar diote, hormetara behar bezala lotuta ez badaude eta haurrengandik urrun ez dauden bitartean.”, ohartarazi du Kontsumitzaileen Segurtasun Batzordeak.
Albiste gehiago gizartea
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.