Ehunka pertsonak zezenketak debeka daitezela eskatu dute Gasteizen
Ehunka pertsona manifestatu dira igande honetan Gasteizko kaleetatik zehar "Ez dira zure jostailua, sentitu egiten dute" lelopean, Udalari eskatzeko animaliei "desiratutakoa ez den edozein sufrimendu" eragiten dieten ikuskizunak (zezenketak, kasu) debeka ditzala.
Martxa hogeita hamar bat gizarte-erakundek zegoen deituta, eta Podemos eta Equo alderdien babesa zeukan. 12:00etan abiatu da Iradier Arenatik, hau da, hiriko zezen-plazatik, eta Andre Maria Zuriaren plazan bukatu da.
Protestaren antolatzaileetako batek eskatu duenez, Udalak debekatu egin behar du "animaliak torturatzen diren ikuskizunak egon daitezela", eta sinetsita agertu da tauromakia desagertu egingo dela, "zeren ondo pasatzeko asmoz animaliei sufrimendua eragiteak ez du inolako zentzurik".
Hedabideei egindako adierazpenetan, Fusión Internacional por la Tauromaquia elkarteak, Gasteizko zezen-plaza kudeatzen duenak, plazaratutako marrazki bizidunen bideoa izan du hizpide. Aipatu bideoan, bost urteko neskatila batek eta blusa batek hirian zezenketek jarrai dezatela defendatzen dute.
Bere aburuz, "tauromakia desagertu egingo dela ikusten dute, eta euren negozioa elikatuko duten etorkizuneko ikusleak sortzen saiatzen ari dira. Haurrak animalienganako tratu txarrean heztea nazkagarria da, ez da kultura".
Manifestazioaren aurkezpen egunean antolatzaileek azaldu zutenez, "animalien eskubideak irudikatu nahi ditugu gure udalerrian". Gainera, Gasteizen uztailaren 25ean ospatuko den Blusen eta Nesken egunean asto-lasterketarik egingo ez dela-eta, pozik agertu ziren, baina ez direla horrekin konformatzen azpimarratu zuten.
"Animaliarik gabeko ikuskizunak aldarrikatzen ditugu. Animaliek ez dute ingurua ulertzen eta ez dakite beraiengatik zer espero den. Gainera, estutasuna eta estresa pairatzen dituzte eta zezenketen kasuan, sufrimenduz betetako heriotza", azpimarratu zuten.
Gorka Urtaran Gasteizko alkateak debekatu egin du asto-lasterketa tradizionala, animaliei sufrimendua, degradazioa edo iseka egiten dieten ikuskizunak baimentzen ez dituen udal-araudiari jarraikiz.
Zezenketen kasuan, alkateak bere garaian adierazi zuenez, aurten egin egingo dira, kontratu bat indarrean baitago, baina 2017an egingo diren edo ez erabaki gabe dago oraindik.
Zure interesekoa izan daiteke
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.
Korrika egin, osasuntsu zahartzeko: Fernando eta Leopoldo, 81 eta 76 urterekin atxintxika egiten jarraitzen duten beteranoak
Fernandok 31 Behobia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik ongizate fisikoagatik, gaixotasunak prebenitzen eta sasoiz zahartzea atzeratzen ere laguntzen baitie.