Ez dakite Schiaparelli modulua Marten onik lurreratu ahal izan den
Europako Espazio Agentziak (EEA) ezin dezake oraindik baieztatu zer egoeratan dagoen ExoMars espazio-ontziko Schiaparelli modulua, Marten lur hartu behar zuenean aurreikusi ez bezala aritu ostean; horrenbestez, denbora gehiago behar du datuak aztertzeko, baina ez du baztertzen behar bezala galgatu ezin izatea.
Moduluak atzo lur hartu behar zuen planeta gorrian, baina Marteko atmosferan barrena egin behar zuen sei minutuko jaitsiera amaitzear zegoela komunikazioa galdu zen, eta ezin izan dute orain arte berreskuratu.
Schiaparelli Marteko atmosferaren goiko partean sartu zen, jausgailua ireki zuen bere abiadura galgatzeko, aurrealdeko ezkututik bereizi zen, baina ez zen jausgailutik askatu espero zen eran. Hala adierazi du Andrea Accomazzok, EEAko arduradunetako batek.
Hala ere, sinetsita dago zehatz-mehatz jakin ahal izango dela zer gertatu den eta hura azaltzeko gai izango direla.
Seinalea galdu arte Schiaparellik igorri zituen datu guztiak ditu EEAk, eta datu horiek atmosfera zientifikoki aztertzeko erabili ahal izango dira.
Aurreikusita zegoen lurreratze-sekuentziaren arabera, Schiaparelli 14:42an (GMT) sartu behar zen Marteko atmosferan eta sei minutuz jaitsi behar zen.
EEAren esanetan, ondo sartu zen atmosferaren goiko partean.
Jaisten hasi eta hiru minuturen ondoren, jausgailua ireki zen, Schiaparelliren abiadura 1.650 kilometro orduraino jaitsi eta modulua Marteko zaletik 11 kilometrora zegoela.
Lau minutu pasa ostean, azaletik 1,3 kilometrora eta 240 kilometro orduko abiaduran, jausgailua askatu behar zen, baina hori ez zen gertatu aurreikusita zuten legez, eta ez dakite zer egin zuen.
Une horretan moduluaren jaitsiera 10 kilometro ordura galgatu behar zuten motorrak piztu behar ziren, baina hiru edo lau segundoz besterik ez ziren egon martxan; hortaz, baliteke abiadura ez moteldu izana Marteko azalean lurreratzeko adina.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.