‘Pichiak’ ostrazismora zigortzeko saiakera salatu dute elkarte batzuk
Gasteizko Abetxuko auzoan bizi diren ‘Pichiak’ “ostrazismo sozialera” zigortu nahi dituztela salatu dute astelehen honetan Ongi Etorri, Arabako SOS Arrazakeria eta Vecindad Vasca sin Fronteras elkarteek.
Familia horretako kideak kaleratzeko prozesua martxan jarri dute jada, baina okupatutako etxebizitza horretatik ‘Pichiak’ kanporatzeko asmoz auzokideek egin dituzten manifestazioak eta elkarretaratzeak gaitzetsi dituzte elkarte horietako ordezkariek. Ildo horretatik, premiak behartzen duenean etxebizitza bat okupatzea ohikoa dela esan dute.
Era berean, familia horretako kideen kontra erabiltzen dituzten arrazoiak faltsuak direla esan dute. Halaber, “gatazkatsuak eta antisozialak” direla esateak gizartean inoiz preskribituko ez diren aurrekariak sortzen dituela uste dute.
Ildo horretatik, ‘Pichien’ kontrako elkarretaratzeak eta manifestazioak antolatzen dituztenek “ikuskizun lotsagarriak” sortzen dituztela gaitzetsi dute. Gainera, arazoa konpontzeko ezer ez egitea leporatu diote hiru elkarteek Gasteizko Udalari. Halaber, familia horren kontra egiteko erabiltzen dituzten arrazoiekin ‘Pichiak’ “ostrazismo sozialera” zigortu nahi dituztela gaineratu dute.
Joan den astean Juan Calparsoro EAEko Auzitegi Nagusiko fiskal nagusiarekin bildu ziren familia horretako ordezkari batzuk, Bilboko Justizia jauregian, Gasteizko bizilagun batzuen aldetik mehatxuak eta indarkeria jasaten dutela salatzeko. Izan ere, 'Pichiek' okupatutako etxebizitzaren aurrean protesta zaratatsuak egin dituzte azken asteotan.
Ez dute lortu Gasteizen erroldatzea
Gasteizko Udalak ohar baten bidez jakinarazi duenez, ‘Pichi’ familiako kideek ez dute lortu Gasteizen erroldatzea, ez dituztelako horretarako beharrezkoak diren baldintzak betetzen. Halaber, horien kaleratzea azkartzea eta arazoa konpontzea eskatu dio justiziari.
‘Pichi’ familiakoek eskaera erregistratu duten arren, Udalak gogoratu du errolda ez dela egun batetik bestera lortzen.
Araudiak ezartzen duenez, etxebizitza batean erroldatu ahal izateko horren titulartasuna frogatu behar da. Gainera, alokairua eta egindako ordainketen ziurtagiriak aurkeztu behar dira Udalean.
Kasu honetan, ‘Pichiek’ ezin dutela beharrezkoak diren baimen horiek bete gaineratu du Udalak.
Albiste gehiago gizartea
Euskal errepideak prest, ostiralean hasiko den udako lehen irteera operazioari ekiteko
Eusko Jaurlaritzak aurreikusita du nazioarteko trafikoa —iparraldetik sartu eta Euskal Herria zeharkatzen duena— % 3,8 haztea; barne-trafikoari begira, berriz, hazkunde-datua % 3koa da.
Isuria izan da Sopelako Arriatera-Atxabiribil hondartzan
Salbamendu- eta sorospen-zerbitzuek El Peñón tabernaren inguruan kaltetutako eremua balizatu dute. Gainera, establezimenduaren jabeari bertako saneamendu sistemaren berrikuspenari buruzko dokumentazioa eskatu diote.
Trailer gidari bat atxilotu dute, mozkor egonda Bilboko portuan ontziratzen saiatzeagatik
Aire litro bakoitzeko 1,19 miligramo alkohol bota ditu emakumeak, bide-segurtasunaren aurkako delitutzat jotzeko legeak ezartzen duen mugaren (0,60 mg/l) ia bikoitza.
Droga-trafikoan ziharduen sare bat desegin dute Iruñean, eta 18 pertsona atxilotu dituzte
Poliziaren arabera, San Fermin jaietarako egun gutxiren faltan, droga saltzeko 10 salmenta-gune desegitea lortu dute, Iruñea, Barañain, Orkoien, Antsoain eta Jakan. 18 atxilotuei droga-trafiko delitua eta erakunde kriminaleko kide izatea egozten dizkiete.
300 milioi pertsonak baino gehiagok kontsumitzen dituzte drogak munduan, helduen % 6k
2025eko Drogei buruzko Munduko Txostenak ohartarazi du kalamua dela gehien kontsumitzen den substantzia (% 77), eta horren atzetik daude opioideak (61 milioi), anfetaminak (30,7 milioi), kokaina (25 milioi) eta estasia (21 milioi).
Orain.eus-en aurkezpena: "Albisteak kontsumitzeko modu berriei erantzutea dagokigu"
Gaur aurkeztu da Orain.eus, EITBren plataforma digital berria. Informazioarekin eta gaurkotasunarekin zerikusia duten eduki guztiak bertan jasoko dira. Batez ere 40 urtetik beherakoen informazioa kontsumitzeko modu berrietara egokitutako euskarri jaioberria da.
Fiskaltzak 37 urteko kartzela-zigorra eskatu du emaztea eta bi alabak bortxatu zituen gizonarentzat
Epaiketako asteazken honetako saioan biktimek, akusatuak eta kasuko perituek deklaratu dute. Guztiei entzun ostean, fiskalak frogatutzat jo ditu delituak. Defentsak, bestalde, absoluzioa eskatu du, uste baitu ez direla frogatu leporatzen zaizkion delituak egin zituenik.
EHUk gidatutako ikerketa batek gaixotasun larriak detektatzeko 'ehunka' markatzaile identifikatu ditu, listuaren bidez
Ikerketa honek "diagnostiko goiztiarrerako eta doitasunezko medikuntzarako tresna indartsu eta ez-inbaditzaile" bat garatzea ahalbidetu lezake, eta kasu askotan odol-analisiak ordezkatu. "Listua fluido biologiko eskuraerrazenetariko bat da, baina oso gutxi erabiltzen da praktika klinikoan, oraingoz", adierazi du Jose Ramon Bilbao EHUko Genetika Medikoko irakasle eta azterlanaren egile nagusiak.
30 aeroponia-dorre jarri dituzte Biarrizko Aguilera klinikako aparkalekuan
Aeroponia landareak hazteko sistema bat da, aireko edo lainozko ingurune batean ereinda, lurzorurik erabili gabe. Biarritzen baratze bertikal horietako bat eraiki dute, Aguilera klinikako aparkalekuaren erdian, ospitaleko langileei on egiteko. Instalatutako 30 dorreek urtean tona eta erdi barazki ekoizten dituzte. Ekimenaren bultzatzaileek adierazi dutenez, beste laborantza mota batzuk baino sistema eraginkorragoa da.