Aske utzi dute Nadiaren ama, deklaratu ostean
Nadiaren ama, Marga Grau, aske geratu da gaur goizaldean Esquadra Mossoen aurrean deklaratu eta gero. Mossoek gurasoen etxebizitza arakatu dute epaileak hala aginduta.
Izan ere, Esquadra Mossoek asteazken arratsaldean Fernando Blanco eta Marga Grau, gaixotasun arraro bat duen 11 urteko Nadia Nerearen gurasoak, atxilotu zituzten , bere alabarentzat sendabideak aurkitzeko asmoz bildutako dohaintzetan iruzur egitea leporatuta.
Alabaina, goizaldeko bostak inguruan libre utzi dute ama, eta senitarteko batzuen ardurapean zegoen alabarekin batu ahal izan da. Aitak, berriz, polizia-etxean jarraitzen du, eta Kataluniako Auzitegi Nagusiaren arabera, ez da espero gaur epailearen aurretik igarotzea.
Iturri judizialek adierazi dutenez, Fernando Blanco atxilotzeko arrazoia ihes egiteko arriskua zegoelako izan da, 48 ordu baitzeramatzan desagertuta eta etxetik agertu gabe, eta gezurra esan omen zuen Madrilera egin beharreko bidaia bati buruz.
Seu d'Urgelleko Instrukzioko 1. zenbakiko Epaitegiak dauka Nadiaren kasua ikertzeko ardura, eta epaileak hainbat aldiz eskatu die gurasoei neskatoaren mediku-txostena eman diezaiotela, trikotiodistrofia izeneko gaixotasun arraroa duen baieztatzeko.
Horrez gain, Fiskaltzari galdetu dio auzian neurri zibilak hartzea egokia ote den, eta horrek adingabearen tutoretzaren gaineko erabakiak barne har ditzake.
Aldi berean, Nadiaren pasaportea eskatu du, eta joan zen astelehenean aitaren kontu-korronteak blokeatzea eskatu zuen. Izan ere, egun batzuk lehenago Blancoren ordura arteko kontakizuna zalantzan jartzen zuten zenbait informazio plazaratu ziren, eta horren aurrean dirua itzuliko zuela iragarri zuen hark.
Nadiaren gurasoek 150.000 euro baino gehiago jaso zituzten hainbat dohaintzaren bidez, bere alabaren ebakuntza finantzatzera bideratzeko xedearekin; alabaina, Blancok astelehenean aitortu zuenaren arabera, bere alabari buruz azaldu zuen istorioan "asko puztutako alderdiak" zeuden.
Esaterako, onartu egin zuen ez zuela eraman bere alaba Houstoneko (AEB) ospitale batera, baizik eta, horren ordez, petrikilo batzuek artatu zutela. Gainera, horren inguruan emazteari ere gezurra esan ziola azaldu zuen.
Bere aldetik, Margarita Garau emazteak egun batzuk geroago azaldu zuenez, bere senarrak ez zion medikuen gaineko azalpenik ematen eta senarrarengan "fidatzen" zela. Bere bertsioaren arabera, bildutako dirua ez dute erabili neskatoaren gaixotasunera bideratzeko baino. "Txarto gabiltza diru aldetik, baina dohaintzak bankuan daude", gaineratu zuen.
Epaileak ostiralean deklaratzera deitu du ama
Seu d'Urgelleko (Lleida) 1 zenbakiko epaitegiko titularrak ostiral honetan deklaratzera deitu du Nadiaren ama, ustezko iruzur bategatik. Gaurdi honetan utzi dute aske, eta ostiral eguerdian deklaratu beharko du Seuko 1 zenbakiko instrukzio epaitegian.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.