175.000 euroko kalte-ordaina, Vianan hildako gaztearen sendiarentzat
Nafarroako Adingabeen epaitegiak 175.000 euroko kalte-ordaina finkatu du 2015ean Vianan (Nafarroa) perdigoikada batez hildako gaztearen sendiarentzat, Nafarroako Justizia Auzitegi Nagusiak ohar baten bidez jakinarazi duenez asteazken honetan. Asier Ballesteros 15 urterekin hil zen, perdigoikada batek bularrean jota.
Epaiketa azaroaren 18an hasi zen, eta Ministerio Fiskalak, akusazio partikularrak eta defentsak lortutako akordioari esker, arduragabekeriazko homizidio delitu arindua egin zuelakoan epaitu zuten akusatua. Epaileak egindakoaz ohartarazteko neurriak ezarri zizkion. Halaber, armen erabileraren eta segurtasunaren inguruko ikastaro bat egitera behartu zuten, hiru hilabetez.
Gainera, Asier Ballesterosen hilketagatik bere sendiari ordaindu beharreko kalte-ordaina finkatu zuen epaileak. Mutikoa 15 urterekin hil zen, Vianako etxabe batean jolasten zegoela perdigoikada batek bularrean jota.
Epaiketa hasi aurretik, akusatuaren gurasoek 124.621,47 euro ordaindu zituzten. Fiskaltza ados agertu zen kopuru horrekin, baina hildakoaren familiarrek 248.700 euroko kalte-ordaina eskatu zuten epaiketa hasi zenean.
Epaian irakurri daitekeenez, Nafarroako Adingabeen epaitegiak 175.000 euroko kalte-ordaina finkatu du (akusatuaren gurasoek orain arte ordaindutakoa kontuan hartu behar da), Asier Ballesteros hil zenean soilik 15 urte zituela eta aurretik etorkizun oparoa zuela kontuan izanda. Erabaki horren aurrean helegitea aurkeztu dezakete.
Ondorioz, ezbeharra arduragabekeriazko homizidio bat izan zela ebatzi du epaileak eta ez du onartu arduragabekeria larria egin izana, akusazio partikularrak defendatzen zuen moduan.
Zure interesekoa izan daiteke
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.
Ekain Perrinoren erasotzaile ia guztiei 2 urteko kartzela zigorra ezarri diete, gorroto-delituagatik
Eraso homofoboaren hamaika egileetatik hamarri 2 urteko espetxe-zigorra ezarri diete, eta hamaikagarrenari, 14 hilabetekoa. Denei 500 metroko urruntze agindua eta isunak ere ezarri dizkiete. Ekain Perrinori eraso bortitza egin zioten, 2021eko ekainean, Basaurin.
Lehengai gisa pipa-azalak erabiliz, bateria kargagarriak lortu dituzte EHUko ikertzaileek
Unibertsitateak jakinarazi duenez, ikerketak egiaztatu du biomasako materialekin egindako bateriek energia nahikoa biltegiratzeaz gain, karga eta deskargako 1.000 ziklo egin ditzakete. Aurkikuntzak aukera ekologikoagoak eskaintzen ditu "garestiagoak eta kutsagarriagoak" diren bateria tradizionalen aurrean.