200 lagun hil direla uste dute, bi itsasontzi Libian hondoratu ostean
Proactiva Open Arms Espainiako GKEak bost pertsonaren hilotzak berreskuratu ditu Libiako uretan erdi hondoratuta zeuden bi itsasontzietatik, eta, horren moduko ontzietan, 100na pertsona baino gehiago izan ohi dira.
"Eman nahi ez genituzke albisteak badaude. Batzuetan heriotzari aurre egin behar diogu, ez bizitzari. Gaurkoa horietako egun bat da", publikatu du Proactivak Facebook sare sozialean duen kontuan. Gainera, "errealitate ukabilkada" berri bat salatu dute eta, haien ustean, gobernu europarren begien aurrean "ikusezinak" dira.
GKEaren itsasontzia aurretik aztertu ez zuen gune bat arakatzen ari zen eta, halako batean, txalupa bat ikusi zuten erdi hondoratuta, "bagenekien zer esan nahi zuen horrek". Handik gutxira, beste bat topatu zuten. Ez zegoen pertsona bizirik.
"Bost hilotz daramatzagu itsasontzian, bizirik dagoenik ez", esan du organizazioak. Gainera, horren arabera, ontzi bakoitzean ehun pertsona baino gehiago zihoazen. Migratzaileak eta errefuxiatuak lirateke, "Mediterraneoaren hilobi komunak irentsi ditu haien bizitza".
Proactivaren esanetan, gainera, "biktimak europarrak balira, titularrak beteko lituzkete, baina ikusezinak dira fokuen aurrean". Migrazioen Nazioarteko Organizazioak kalkulatu duenez, aurtengo lehen hilabeteotan 500 pertsona baino gehiago hil dira Europako hegoaldeko kostaldera heldu nahian.
ACNUR Nazio Batuen Errefuxiatu Agentziak, bestalde, "oso kezkatuta" agertu da hondoratzearen berri izan duenean.
Halere, ACNURren esanetan, "horren moduko itsasontziek 120-130 pertsona inguru eraman ohi dituztela kontuan hartuta", beldur da bi istripu horien hildako kopurua "askoz handiagoa" izango ote den. "Baliteke hamarnaka pertsona gehiago hil izana", erantsi du.
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.