Identifikatu egin dute Betiseko ultra, baina aske dago
Ertzaintzak identifikatu egin du Bilboko Plaza Barrian zegoen gizonezko bati gaur eraso egin dion Betiseko ultra.
Erasoa Plaza Barriko Bilbao tabernako terrazan gertatu da, 12:45ean. Ordu batzuk geroago, Ertzaintzak biktima eta erasotzailea aurkitu ditu. Lehenengoari salaketa jartzeko aukera zuela jakinarazi dio, baina horrek uko egin dio, oraingoz. Erasotzaileari dagokionez, identifikatu egin dute, bere bi lagunekin batera, baina ez dute inor atxilotu.
Ertzaintzak azaldu duenez, biktimak ez du salaketarik jarri, eta, horregatik, auzia itxi egin du, tankera honetako erasoengatik ez baita atxiloketarik egiten.
Sare sozialetan zabaldutako bideoan ikus daitekeenez, gazte bat terrazan eserita dagoen gizonezkoarengana hurbildu da —antza, zoriz aukeratutakoa— eta "Zu, Gabilondo, Arriba España, zer zara ETA zalea?" esan dio. Segidan, edari bat bota dio, eta jo egin du gero. Bideoan, grabatzen ari den pertsonaren barre-algarak entzuten dira.
Irudietan hirugarren pertsona bat barrez ageri da, baina ez du erasoan parte hartzen.
Ertzaintzak baieztatu egin du hiru gizonak Betiseko jarraitzaileak direla.
Athleticek eta Betisek Ligako partida jokatuko dute gaur San Mamesen, eta Ertzaintzaren arabera ez da bestelako istilurik izan.
Albiste gehiago gizartea
Iruñeko dendak eta esekitokiak zuriz eta gorriz tindatu dira egunotan
Txupinazoak San Fermin jaiei hasiera emateko ordu gutxi falta direnean, iruindar asko dendaz denda dabiltza azken gauzak erosten. Beste askok, egun hauetako beroa aprobetxatu dute arropa garbitu eta lehortzeko.
Txupinazoa, entzierroak eta askoz gehiago, hamar egunez, edukiz betetako EITBren programazio berezian
San Fermin jaiak abiapuntu hartuta, programa berriak, jaiekin eta kulturarekin lotutako emanaldiak eta kirol eskaintza zabala izango ditugu uda honetan ETBn. Iazko arrakastaren ondotik, EITBk zuzenean eskainiko ditu Faltzesko entzierroak.
31.000 euroko iruzurra egin dute "tokomotxoa" baliatuz Bilbon
71 eta 80 urteko bi emakumeri eta 82 urteko gizon bati egin diete iruzur Deustu, Santutxu eta Zabala auzoetan.
150.000 euroko kalte ordaina eskatu diote Bilboko ikastetxe bati, bullying kasu baten aurrean ezer ez egiteagatik
Eskola jazarpena jasan zuen ikaslearen abokatuak adierazi duenez, ikastetxeak ez zuen ezer egin neskari ondorio psikiatriko eta fisiko larriak eragin dizkioten erasoak saihesteko.
Pertsona bat zauritu da Arrasateko etxebizitza eraikin batean izandako sute batean
Sua 23:30 aldera piztu da San Josepe kaleko etxebizitza eraikin baten beheko aldean. Lehen unean, lau atari jendez hustu dituzte, baina hiru ataritako bizilagunak etxera itzuli ahal izan dira gauean zehar.
Pasaporteekin izandako arazoa konponduta, Saharako haurrak datorren astean iritsiko dira Euskal Herrira
Saharatik uda igarotzera etortzen diren haurrak aste honetan ziren iristekoak Euskal Herrira. Baina pasaporteekin izandako arazoen ondorioz, ezin izan dute hegazkinik hartu.
San Ferminetan legez kanpo saltzeko abanikoak, txanoak eta arropa atzeman dituzte aireportuan
Mila artikulu baino gehiago konfiskatu dituzte Noaingo aireportuan, tartean 500 abaniko eta 500 txano, ustez sanferminetan legez kanpo saltzeko.
Heldu da zure paketea: erosketak itsu-itsuan egiteko eroaldia Bilbora iritsi da
Pakete misteriotsuen fenomeno europarra uztailaren 7tik 14ra helduko da Zubiarte merkataritza gunera. Esperientzia paregabea da, benetako ustekabeak lortzeko. Intuizioa eta zortea dira horretarako gakoak.
Motor-gidari bat zauritu da Muxikan, auto batekin talka egin eta ibaira erorita
Istripua 19:50ean gertatu da, motor batek auto baten aurka talka egin du N-635 errepidean, Muxikan, Gernikarako noranzkoan. Kolpearen ondorioz, motor-gidaria Mundaka ibaira erori da, Ariatza auzoaren parean.
Donostiako suhiltzaileen buruak dimisioa eman du, Fermin Muguruzaren kontzertuan semea sarrerarik gabe sartzeagatik
Donostiako suhiltzaileen zerbitzua bururik gabe geratu da oraingoz, Fermin Muguruzaren kontzertuan izandako jokabide txarragatik. Ander Gomezek dimisioa eman behar izan du Anoetako kontzertuan suhiltzailez jantzitako semea sarreratik gabe sartzeagatik.