2019rako amaituta izango dira Gasteizko tranbia luzatzeko lanak
Gasteizko tranbia hegoaldetik luzatzeko lanak udazkenean hasiko dira (urriaren amaieran edo azaroaren hasieran), eta, gehienez, 21 hilabete iraungo dute obra horiek. Gauzak horrela, lau geltoki berriak 2019ko udan martxan jartzea aurreikusita dago.
Arantxa Tapia Ekonomiaren Garapen eta Azpiegitura sailburuak azaldu duenez, tranbiaren ibilbideak 1,4 kilometro gehiago izango ditu eta 10,5 milioi eurokoa izango da aurrekontua. Lanen bi herenak Eusko Jaurlaritzak ordainduko ditu eta gainerakoa erdibana ordainduko dute Gasteizko Udalak eta Arabako Foru Aldundiak.
Gasteizko tranbia luzatzeko proiektuak ondorengo geltoki berri hauek aurreikusten ditu: Florida, Triana, Hegoalde eta Unibertsitatea. Halaber, berrikuntza horri esker zerbitzua emango zaie Adurtza eta San Kristobal auzoetako bizilagunei, bai eta unibertsitatera doazen ikasleei ere. Gauzak horrela, 20.000 erabiltzaile izan ditzake guztira.
Ildo horretatik, zailtasun handiena Triana zubiaren inguruan egongo dela azpimarratu du Tapiak, eta trenbidearen gainetik plataforma luzatu egin beharko dutela azaldu du. Halaber, Renferekin koordinatu beharko dira bertan, trenen joan-etorrian oztoporik ez sortzeko.
Beste alde batetik, Gasteizko tranbia luzatzeko proiektu horren kontra dauden hogei bat lagun bildu dira inguruan. Tapiaren esanetan, proiektuak indarrean dagoen araudia errespetatzen du, eta obrek irauten duten bitartean “pazientzia” eskatu die herritarrei.
Albiste gehiago gizartea
Hiru pertsona zauritu eta beste hiru atxilotu dituzte Barakaldoko jaietan izandako borroka batean
Liskarra igande goizaldean gertatu zen, Karmengo jaien azken egunean. Zaurituetako batek hainbat ebaki izan zituen, botila batekin erasotu egin ondoren.
Ertzaintzak ikerketa abiatu du, Donostian arma zuriz egindako eraso bat argitzeko
Erasoa igandean gertatu da, Antiguon. Gizona Donostia Ospitalera eraman dute, zauri larriekin, eta oraingoz ez dute inor atxilotu.
Albiste izango dira: Istiluak Azpeitian, BSHko langileen bozketa eta hauteskundeak Japonian
Gaurkoan albiste izango direnen laburpena, bi hitzetan.
Emakumezko bat ikertzen ari dira autoarekin bikotekidea zauritu eta alde egiteagatik
Gertaera ostegun gauean izan zen Gasteizen, eta 23 urteko emakumea larunbatean aurkitu zuen Ertzaintzak. Gizona ospitalera eraman behar izan zuten larri zaurituta. Emakumeak dio gizona jarrera bortitzez autora autora igotzen saiatu zela eta beldurtuta ihes egin zuela, zauri larriak zituela jakin gabe.
Elkarretaratzea Barakaldoko txosnen gunean, arrazakeriaren aurkako herria direla aldarrikatzeko
Gaur arratsaldean elkarretaratzea egin dute Barakaldoko txosnen esparruan, bart gauean herriko bizilagun batek jasan zuen eraso arrazista salatzeko. Ohikoa da Karmengo jaietan beste herrialde batzuetatik bertara bizitzera etorritako bizilagunek txosna bat jartzea eta ez da inoiz arazorik izan. Atzo gizonezko bat gogor oldartu zen bertan lanean ari zirenen aurka, oihu arrazista eta jarrera erasokorrean. Torrepachecon gertatutakoa ikusita, jarrera horiek moztu eta Barakaldon horrelakorik ez dutela onartzen adierazi dute.
Baztandarren arteko senidetasun jai handia egin dute gaur Elizondon
Musika eta dantzaz betetako festa ospatu dute gaur baztandarrek. Bailarako ohitura eta izaeraren adierazgarri diren gaiak aurkeztu dituzte. Aroztegiko obren aurka aritzeagatik auzipetutako baztandarrek ireki dute desfilea.
59 urteko nafar bat hil da Esako urtegian kirola egiten ari zela
Lagun talde batekin joan da hildakoa urtegira. Une batean, oso nekatuta zegoela eta ezin zela ertzera iritsi abisatu du baina lehen erreskate-ibilgailua iritsi denerako hilda topatu dute.
Bilbo Sluggins, munduko barraskilorik azkarrena
Jendetza bildu da Erresuma Batuko Congham landa-komunitatean, non Munduko Barraskilo Lasterketa bitxia egin den. Zehazki, Shell Rowek bere Bilbo Sluggins barraskiloarekin irabazi du 1960tik urtero egiten den ekitaldi honetan.
Istiluak izan dira bart Azpeitian gazte batzuen eta polizia agenteen artean, eta bi ertzain zauritu dira
Eusko Jaurlaritzako Segurtasun sailak gertakaria gaitzetsi du, eta elkartasun osoa adierazi die agenteei. EUSPEL, ESAN eta ERNE sindikatuek gogor kritikatu dituzte gertakariak. Arratsaldean ehunka lagun bildu dira Azpeitiko plazan Gaztetxeak deitutako protesta bilkuran.
Dozenaka lagun batu dira Maulen, Donapaleun eta Baionan, EHEk deitutako elkarretaratzeetan
Euskara lehenesteko eta bigarren mailako hizkuntza gisa tratatzeari uzteko eskatu diete erkaunde sozial, kultural, ekonomiko eta politikoei, hizkuntza politikan euskararen aldeko jauzia egiteko.