Hilik topatu dute Malagan galdu zen 3 urteko neskatoa
Hilik topatu dute atzo, asteazkena, Pizarran (Malaga) trenaren geltokiaren inguruetan gurasoekin zegoela desagertu zen hiru urteko neskatoa, Lucia, galdu zen lekutik zazpi bat kilometrora, aldiriko trenaren trenbidearen ondoan.
Haurraren hilotza Pizarra eta Alora lotzen dituen trenbidearen bazterrean agertu da.
Neskatoak kolpea zuen buruan, baina oraindik ez dakite istripu batek edo nahita eraginda izan den, ikertzaileek Eferi adierazi diotenez.
Haurraren hilotza Malagako Auzitegi Medikuntzako Institutura eraman dute, autopsia egitera, kolpea buruan nola hartu zuen argitzeko.
Gainera, buruan duen kolpeak hil duen ala ez argituko dute auzitegiko medikuek.
Edonola ere, une honetan, zenbait hipotesi dute esku artean. Horietako bat, hilketa; beste bat, istripua.
Nietok istripua aipatu du
Halere, Jose Antonio Nieto Segurtasuneko Estatu idazkariak aurreratu duenez, badirudi istripuaren hipotesia indarra hartzen ari dela, antza, umea noraezean ibili eta gero.
"Antza denez, istripuaren teoria gailentzen ari da, beste edozein aurretik", esan du Nietok Senatuan, kazetarien aurrean. Gainera, "printzipioz" bahiketaren hipotesia baztertu egin dutela gaineratu du.
Nietok azaldutako hipotesi baten arabera, umea galdu egin zen, hiru bat kilometro egin zituen oinez trenbidetik, eta, nekatu zenean, trenbidearen ondoan eseri zen. Dirudienez, ondoren igaro zen tren batek eragin omen zion buruko kolpea, eta horrela hil omen zen.
Pizarrako zein Alhaurin el Grandeko udalek (aita azken udalerri horretakoa da) hiru eguneko dolua ezarri dute gertatutakoaren berri izandakoan.
23:20 inguruan eman zuten desagerpenaren berri, gurasoek begien bistatik galdu zuten bi minutuan umea desagertu ondoren, geltokiaren ondoan dagoen jatetxe batean afaltzen ari zirela. Berehala abiatu zuten umea bilatzeko operazioa, senideekin batera, familiakoak zeuden jatetxearen inguruetan.
Felix Lozano Pizarrako alkateak Canal Sur Radion azaldu duenez, "herriak ahalegin guztia egin du hasieratik" Lucia bilatzeko, eta ehunka bizilagunek, Guardia Zibilak, Udaltzaingoak eta Babes Zibilak parte hartu dute bilaketa-lanetan.
Lehen orduetan, tren geltokiaren inguruetan ibili dira haren bila, eta goizean goiz zabaldu egin dute bilaketa-eremua, eta indartu egin dute bilaketa, bizilagunak eta segurtasuneko kideak sei taldetan banatuta.
Albiste gehiago gizartea
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.