Tuterako iazko leherketa biktimak eragin zuen, bere buruaz beste egiteko
Orain urtebete Tutera herria (Nafarroa) kolpatu eta gizon bat hil zuen leherketa biktimak berak eragin zuen bere buruaz beste egiteko asmoarekin, Foruzaingoak egindako txosten baten arabera.
2016ko abuztuaren 10ean, 05:00etan, leherketa handi batek kolonbiar jatorriko Freddy Osma 43 urteko tuterarraren heriotza eragin, horren etxebizitza suntsitu eta kalte handiak egin zituen eraikin osoan. Hori dela eta, hogei bat bizilagun atera behar izan zituzten eraikin horretatik eta ondokoetatik.
Foruzaingoak Eferi adierazi dionez, aztertutako zantzu guztien arabera, biktimak berak "prestatu zuen", "alokatuta zuen etxebizitzaren barruan eztanda programatu bat eginez, azetona peroxidoa erabilita".
Lehergaia denda askotan eskura daitekeen hainbat osagairekin egin daiteke; besteak beste, ur oxigenatua, azido sulfurikoa eta azetona erabiliz. Foruzaingoak azaldu duenez, horiek nahasten direnean, "ondorio lazgarriak eragin ditzakeen lehergaia" osatzen da.
Lehergaia egiteko, ikertzaileen esanetan, "oinarrizko" ezagutzak behar dira, eta hildakoak bazituen, garbiketa enpresa batean egin baitzuen lan, eta bazekien lehergaia egiten, soldadua izan zelako aurretik.
Haren trastelekuan, garbiketarako produktuak hobetzeko erabiltzen zituen substantzia ugari aurkitu dituzte, baita "buruaz beste egiteko erabili zuen gaiaren kantitate txikiak" egin izanaren zantzuak.
Ikertzaileek hainbat hipotesi aztertu badituzte ere, lehergaia beste pertsona batzuk zauritzeko asmoz egin izana tartean, "ez dago zalantzarik" haren helburua bere buruaz beste egitea izan zela.
Horretarako, lekukotzak jaso, eta haren telefonoa, interneteko historiala eta mezuak aztertu dituzte.
Leherketa izan zen gelak ondorioak txikiagotzen lagundu du. Izan ere, eztandaren indarra beherantz eta kanporantz zabaldu zen, barrura eta gora egin beharrean (pertsona gehiago zeuden bertan).
Beste gela batean edo beste solairu batean egin izan balu, ondorioak bestelakoak izango ziratekeela gaineratu dute ikertzaileek.
Txostena epailearen esku utzi dute, eta azken horrek oniritzia eman dio.
Albiste gehiago gizartea
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.