Epaileak aske utzi du Ripollgo mintzategiaren jabea
Fernando Andreu Auzitegi Nazionaleko epaileak aske utzi du Salah El Karib Kataluniako atentatuen ostean atxilotuetako lau pertsonetako bat, taldeko kideek hegazkin txartelak erosteko erabili zuten mintzategiaren jabea. Ezin izan dute argitu Ripollgo imamarentzat txartelik erosi ote zuen.
Aske uzteko idatzian magistratuak azaldu duenez, ezin izan dute egiaztatu talde terroristako ustezko kideekin harremanik bazuen, eta kautelazko neurriak ezarri dizkio: astelehenero epaitegian agertu beharko da, bizitoki finkoa zehaztu beharko du eta ezingo da Espainiako Estatutik irten.
Halaber, Mossos d’Esquadrako agenteek Alcanarreko (Tarragona) etxeko leherketaren ondorioz hildako bigarren pertsonaren gorpua identifikatzeko lanak bukatu dituzte, eta talde terroristak atentatuak prestatzeko ustez erabili zuen etxeko eztandan aurkitutako bigarren hilotza Youssef Aallarena dela ondorioztatu dute.
Alcanarreko etxeko leherketan Abdelbaki Es Satty Ripollgo imama ere hil zen, eta Mohamed Houli Chemlal, Fernando Andreu Auzitegi Nazionaleko epailearen aginduz atxilotuta eta kartzelatutakoa, zauritu zen.
Youssef Aallaren anaia Said Aalla da, abuztuaren 18an Cambrilsen (Tarragona) emakume bat hil zuen atentatuaren ustezko egileetako bat, Mossoek tiroz hildakoa.
Gainera, Mohamed Aallarena anaia ere bada, zeina Mossoek atxilotu baitzuten terroristek Cambrilseko itsas pasealekuan atentatua egiteko erabili zuten Audi A3 autoaren jabea zelako, baina epaileak libre utzi du Mohamed, haren gaineko zantzuak ez baitira “nahikoa irmoak”.
Furgoneta alokatzeko saiakera alferrikoa
Bestalde, Bartzelonan eta Cambrilsen atentatuak egin zituen talde terroristako ustezko hamabi kideetako bi furgoneta bat alokatzen saiatu ziren uztailaren 29an, Bartzelona inguruko enpresa batean.
Hainbat informazioren arabera, ibilgailuak alokatzeko enpresa baten egoitzara bertaratu ziren eta furgoneta bat eskatu zuten, baina ezetz esan zieten, ez baitzuten enpresak eskatzen zuen gutxiengo adina.
Albiste gehiago gizartea
Gutxienez 4 kilometroko auto-ilarak AP-8an, Zarautzen, Donostiarako noranzkoan
Kamioi baten iraulketak istripua eragin du errepidean. Ertzaintzak errail bat moztu du Donostiaran noranzko errepidean.
Eusko Jaurlaritzak "eskola inklusibo, ekitatibo eta kalitatezkoaren" aldeko mahaia jarri du abian, ikasturte hasieran
Imanol Pradales lehendakariak eta Begoña Pedrosa Hezkuntza sailburuak Etxebarri BHI berrian abiatu dute Eskola Segregazioaren aurkako Itun Sozialaren mahaia, ikasturtearen hasiera ofizialarekin bat eginez.
Eskola-segregazioaren aurkako mahaiak markatu du 2025-2026 ikasturtearen hasiera
Imanol Pradales lehendakariak eta Begoña Pedrosaa Hezkuntza sailburuak eman diote hasiera ikasturteari, Etxebarriko (Bizkaia) BHIn. Ondoren, mahaiaren lehen bileraren buru izan dira. Bileran hezkuntza-komunitateko hainbat eragilek, EAJ, PSE-EE, EH Bildu eta PPren ordezkariek eta sindikatuek hartu dute parte, ELA eta Steilas sindikatuek izan ezik.
Itsasoaren berotzeak hainbat espezieren portaera aldatu du
Kantauri itsasoko tenperaturak hamarkadak daramatza igotzen, eta horren ondorioak nabaritzen hasiak gara. Aztik ia 40 urte daramatza gure kostaldeko datuak biltzen.
Jaiotzak % 2,4 gehitu ziren EAEn lehen hiruhilekoan, 1975etik izandako urterik txarrenaren ondoren
2024ko hiruhileko beraren aldean, % 0,6 igo dira atzerriko amak dituzten haurren jaiotzak, bai eta hirugarren eta ondorengoen jaiotzak ere, % 0,8.
Gipuzkoan haurra hiltzen saiatzeagatik akusatutako gurasoek ukatu egin dute alaba astindu izana, eta adierazi dute lesioak gaixotasun genetiko baten ondorio direla
Fiskaltzak zazpi urteko espetxe-zigorra eskatu du bakoitzarentzat, hilketa saiakera egotzita. Gurasoek, aldiz, adierazi dute lesioak gaixotasun "oso arraro" baten ondorio direla.
Jaizkibelek gutun bat eman dio Hondarribiko alkateari, "estrategia aldaketa" eskatuz
Nora Ferreirak, Jaizkibel konpainiako kapitainak, Hondarribiko Udalaren jarrera kritikatu du. "Ezin ditu bi taldeak maila berean jartzen jarraitu, gu emakumeen eskubideen alde borrokan ari baikara", adierazi du Ferreirak. Gainera, hainbat ordezkari politikok, Miren Elgarresta (Emakunde), Ines Ibañez de Maeztu (Arartekoa) eta Maddalen Iriarte (EH Bildu), besteak beste, egindako urratsak nabarmendu nahi izan dituzte, baina erakunde guztiei inplikazio handiagoa eskatu diete.
Jaizkibel Konpainiak txalo artean egin du ibilbidea, eta alarde tradizionalak kantinerak soilik eraman ditu Gernikako Arbola plazara
Iaz gertatu zen bezala, emakumeei berdintasunez parte hartzen uzten ez dietenak ez dira hitzordura agertu, eta kantinerak soilik bidali dituzte. Herritarrek eta agintariek txaloka hartu dute konpainia parekidea Kale Nagusian.
Albiste izango da: EITB Data, ikasturtearen hasiera EAEn eta Diasporaren Eguna
Orainek gaur landuko dituen albiste nagusien laburpena.
Eusko Jaurlaritzak Euskal Diasporaren Eguna ospatuko du Zesta Punta komunitateari omenaldia eginez, Markina-Xemeinen
Mikele Irazusta diasporako artista argentinarrak diseinatutako mural bat sortuko du Markina-Xemeinen, dantza tradizionalak, erakusmahai kulturalak eta herriko eragileen eta Saint-Pierre eta Mikeluneko dantza taldeen partaidetza bilduko dituen jardunaldiaren barruan.