Datuen analisirako graduondokoan izena emateko epea, zabalik
Deustuko Unibertsitateak "Datuen Analisi, Ikerketa eta Komunikazioko Aditua" programaren edizio berri bat aurkeztu du. Sektore pribatu eta publiko zein hirugarren sektoreko eta hedabideetako profesionalei zuzendutako graduondoko ikastaroa da, eta datuak lortu, aztertu eta bistaratzeko ezagupenak hobetzea du helburu, hain zuzen.
Urriaren 13tik urtarrilaren 17ra bitartean emango da programa, eta izena emateko aukera dago oraindik. Aurrez aurreko eskolak Deustuko Unibertsitatearen Donostiako campusean izango dira, ostiral arratsaldeetan (16:00 – 20:00) eta larunbat goizetan (10:00 – 14:00).
Gero eta enpresa, erakunde eta sektore ezberdinetako talde gehiagok erabiltzen dute datuen azpiegitura, hau da, datu baseak, softwareak, algoritmoak, datuen kudeaketa eta biltegia, beren barne eraginkortasuna eta zerbitzu eta produktuak hobetzeko asmoz.
CNBC telebista kateak argitaratutako txosten baten arabera, datuak erabiltzeko gaitasun handiagoa duten adituek lan “sexyenak” lortzen dituzte, eta gaitasun hori eskaintzen dituzten profesionalek merkatuak behar duen % 20 baino ez dira.
Programa ebaluatzeko, proiektu bat egin beharko da. Lehenengo ibilbidean, plan estrategiko bat izango da; bigarrenean, datuen analisi eta/edo bistaratzeko proiektu bat. Proiektua egiteko, irakasle taldearen laguntza izango dute ikasleek denbora errealean, eta asistentzia birtuala ere izango dute. Parte-hartzaileek, nahi badute, beren enpresa edo erakundeetako proiektuak ekarri ahalko dituzte.
Zure interesekoa izan daiteke
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. Otsailaren 17tik martxoaren 19ra bitartean, musulmanek erabateko abstinentzia egin dute egunez. Argia egon den orduetan zehar, ez dute jan, ez dute edan (ezta urik ere), ez dute erre eta, besteak beste, ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.