Gasteizko Udalak argi berdea eman dio Errekaleor eraisteari
Gasteizko Udalaren Ensanche 21 elkarteak onartu egin du Errekaleor auzo okupatua eraisteko proiektuaren esleipena.
Uztailaren 21ean, udal elkarte horren kontratazio mahaiak 10 enpresaren proposamenak aztertu zituen, eta proiektua 50.000 eurotan lizitatu zuten.
Gaur, Ensanche 21ek Bimsurvey enpresari esleitu dio eraiste proiektua, 34.000 eurotan (BEZa zenbatu gabe).
Orain, konpainia horrek hilabeteko epea izango du eraiste lanen ildo nagusiak idazteko.
Horren ostean, Udalak lanak gauzatzeko esleipena egingo du; oraingoz, epe barik.
Udaletik azaldu dutenez, epeak okupak etxeetatik botatzeko abiatutako auzi judizialaren araberakoak izango dira.
Gainera, auzoa husteko prozesuan beharrezkoa balitz, okupak identifikatzea eskatu dio Udalak Udaltzaingoari, EAJk, PSEk eta PPk alde bozkatuta.
Elkarretaratzea
Bien bitartean, Errekaleor Bizirik plataformak elkarretaratzea egin du Andre Maria Zuriaren Plazan, auzo okupatuari babesa agertzeko.
Jonbe Agirre kolektibo horretako kideak azaldu duenez, Errekaleorren aldeko defentsa onena "parte-hartze prozesua garatzen jarraitzea" da.
Horren esanetan, oraindik ez dakite noiz hustuko dituen Udalak.
2013tik autogestioan
Errekaleorreko 192 etxebizitzak 2013an okupatu zituzten, eta, harrezkero, biztanleek hainbat azpiegituraz hornitu dute auzoa: okindegia, liburutegia... Egun, 150 pertsona bizi dira bertan.
Maiatzaren 18an, Iberdrolako teknikariek argindarra moztu zuten, instalazioa arriskutsua zela argudiatuta, eta istiluak eratu ziren Ertzaintzaren eta okupen artean.
Albiste gehiago gizartea
Karabela portugesa gorabeherak eragiten ari da Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira bizidun horiek itsasertzera, eta zenbaitetan horien ziztadak arriskutsuak izan daitezke.
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.