Bertsolari Txapelketa, Korrika eta Euskalmojiak, aurtengo ikusienak eitb.eus atarian
Bertsolari Txapelketa Nagusiaren eta Korrikaren bideoak, argazkiak eta albisteak izan dira aurtengo eduki informatibo ikusinak eitb.eus atarian. Bi gai nagusi horiekin batera Euskalemoji App-ak bereganatu du EiTBko webgunearen erabiltzaileeen arreta gehiena 2017 honetan.
Euskal Herriko Bertsolari Txapelketa Nagusia lau urtean behin egiten da eta milaka lagun biltzen dira kanporaketetan eta finalean. Beste horrenbeste gertatzen da sarean, eta eitb.eus-eko edukien artean horiexek izan dira ikusienak.
Halere, guzti horien artean ez zen finaleko eduki bat izan ikusiena, baizik eta Irungo finalaurrekoan gerora txapeldun izango zen Maialen Lujanbiok bota zuen Kartzelako lanaren bertsoa.
Korrika, berriz, bi urtean behin egiten da eta hor ere milaka eta milaka lagun biltzen dira euskararen alde korrika egiteko. Korrikaren ibilbidea izan da eitb.eus-en eduki ikusienetakoa aurten.
Eduki solte moduan oso harrera beroa izan zuten Euskalmojiek, euskal ikurren app berria telefonoetarako, baita Tolosako Ihauterietan, Mariano Rajoyren mozorroa zeraman gizonaren bideo bitxia, Espainiako presidentearen ibilera imitatuz.
Mundu zabaletik, Mexikon irailean izan ziren lurrikarak albiste ikusienen artean daude. Katalunian gertatutako guztia ere arreta gune nagusietako bat izan da EiTBko erabiltzaileentzat, hala nola ETBko lankide batek bere lana egiteko izan zituen arazoak.
Elizak Juan Kruz Mendizabal apaiza sexu abusuengatik zigortu zueneko albisteak ere erabiltzaileen arreta bereganatu zuen. Baita haurreskletako ordezkapenak egiteko zerrendak zabaldu zirenekoak ere.
Beste bitxikeri batek ere aho bete hortz utzi ditu aurten euskaldunak: Ikurrina "daltonikoak", banderaren koloreak nahasten zituenak, alegia.
Donostian izandako trafiko istripu ikusgarri baten bideoa, balea Zarautzen agertu zeneko bideoa eta haurrak izateagatik ematen dituzten laguntzak eskatzeko baldintzak azaltzen zituen albistea ere ikusienen artean egon dira.
Tamalez, Hasier Etxeberria ETBko lankide eta idazlearen heriotza-ren berri eman behar izan dugu aurten. Bizirik bezala, azken agurrean ere, jendearen interesa piztu du gure Hasierrek. Ez adiorik!
Gaztelerazko eduki ikusienak, berriz, hauek izan dira: Mexikoko lurrikarak, Fidget Spinner jostailu arrakastatsua eta Whatsapp zerbitzuaren erorketak.
Albiste gehiago gizartea
Carla Emazabel Amunarrizek izan du aurten kutxa eramateko ohorea eta amets bikoitza bete du: berea eta aitonarena
Duela 30 urte, Carlaren aitonak ez zekien bilobarik izango zuenik ere, baina zilarrezko ezteietan Sevillara joan zenean, erakusleiho batean mantoia ikusi, erosi eta gordeta izan du ordutik. Inork ez zekien zeukanik, eta gaur Carlak ohore handiz jantzi du. Hura soinean, 40 buelta eman dizkio 20 kiloko kutxari, bere aitak itsasoan daramatzan urteak hainbeste.
Donibane Lohizuneko klinika pribatuak zerbitzu publikoko larrialdi zerbitzua eskaintzen jarraituko du
Azken urteetan itxita egon dira maiz larrialdi zerbitzuaren ateak, bereziki gauez, dirua eta langileak falta direla eta. Herri Berri udal oposizio taldeak deituta, herritarrek mobilizazioei ekin zieten urte hasieran, zerbitzu "iraunkor eta eraginkorra" defendatzeko.
Espainiako Poliziako komisario bat atxilotu dute Nafarroan, haren menpeko lankide bati sexu-erasoa egitea leporatuta
Epailearen esku geratu ondoren, baldintzapean aske utzi dute. Urruntze agindua ezarri diote, eta ezingo da biktimarekin komunikatu. Arma baimena ere kendu diote polizia komisarioari.
Goizeko arazoak eta ilarak konponduta, lasaitasuna nagusi euskal errepideetan
Goizean, AP-8an hiru kilometrorainoko auto-ilarak sortu dira Biriatun. Halaber, AP-1erako sarbidea itxi behar izan dute, A-1 errepidean, Armiñonen, hiru autok istripua izan ondoren, baina eguerdirako ireki dute.
Milaka pertsonak gozatu dute Aixerrotako paellen jaian
Getxoko Nazioarteko Paella Lehiaketaren 70. edizioak milaka pertsona bildu ditu beste behin Aixerrotan, 1956ko uztailaren 25ean hasi zen festa ospatzeko. Zaporeak elkarteak kanpaina bat abiarazi du, kuadrillek arroz kiloak eman ditzaten, Greziako Lesbos uharteko errefuxiatuen kanpalekura bidaltzeko.
Marmokak iritsi dira Ondarreta, Kontxa, Barinatxe eta Lagako hondartzetara
Marmoken presentziaz ohartarazteko bandera berezia jarri dute Gipuzkoako eta Bizkaiko hondartza horietan, baina sorosleek soilik pertsona bat artatu dute. Topatu dituzten marmokak txanpon baten neurrikoak dira, eta horien ziztadak ia ez du minik eragiten.
RESAC-OFF: Adimen artifizialeko teknologia berria hondartzetan itotzeak prebenitzeko
Tekniker zentro teknologikoak denbora errealean bainulariak automatikoki detektatzeko sistema bat garatu du, adimen artifizialean oinarritua. Gailuak gune horretan dauden erresaka korronte aktiboak eta bainulariak identifikatzen ditu, jarraian sorosleei arriskuaz ohartarazteko.
Juana Rivasek bere seme txikia aitari entregatu dio
Lehen saiakerak sortu zuen zalaparta mediatikoaren ondoren, oraingoan pribatutasun handiagoz egin da.
1,3 milioi eurorekin saritua Bilboko bizilagun bat
Ostegun honetako Primitivako zozketak irabazle bakarra utzi du Zorrotza auzoan, Bilbon.
Blusa eta Neskaren Eguna, Gasteizko jaien atarian
Tradizio den bezala, uztailaren 25ean kuadrilla gasteiztarrak kalera irten dira gaur, Done Jakue egunean euren jaia ospatzeko.