Lurrikara indartsu batek Mexiko astindu du eta 225 lagun hil dira
Richter eskalan 7,1 graduko indarra hartu duen lurrikara batek Mexikoko erdialdea eta hegoaldea astindu ditu, Mexiko Hirian milaka heriotza eragin zituen dardararen 32. urteurrenean hain justu, eta izu handia zabaldu da bertan, herritarren artean. 225 hildako zenbatu dituzte orain arte.
Hiriburuan, Mexiko Hirian, 94 lagun hil dira, eta 39 eraikin guztiz erori dira.
Biktimen artean, 21 ume daude. Mexiko Hiriko hegoaldean eskola bat erori da eta han hil dira haurrak, lau heldurekin batera.
Enrique Peña Nieto presidentea Enrique Rebsamen Eskolara joan da. Ikastetxea hiriburuan erori diren eraikinetako bat da (30etik gora erori dira).
Armadako eta Itsas Armadako 500 kide baino gehiago eta Babes Zibileko 200 bat agente ari dira bilaketa lanetan eskolan, gaineratu duenez. Lan horiei esker, 14 ume bizirik atera dituzte.
Lurrikarak Axochiapan (Morelos) udalerriko hego-ekialdean izan du epizentroa, 12 kilometrora, hain zuzen ere. Morelos estatua Mexikoko erdialdean dago. 57 kilometroko sakoneran izan du hipozentroa.
Lurrikararen ondorioz, hamarnaka eraikin erori dira Mexiko Hirian. Argindarrik gabe geratu dira, gas-ihesak izan dira, telefonia zerbitzua eten egin da eta Metroa itxi egin dute.
Zehatz-mehatz, Miguel Angel Macera Mexiko Hiriko Gobernuko buruak azaldu duenez, gutxienez 30 eraikin erori dira eta 50.000 bat agente mugiarazi dituzte hondakin artean pertsonak bilatu eta biktimak artatzeko.
Unerik okerrena lapurreta egiteko
Luis Felipe Puente Babes Zibileko koordinatzaileak Televisa telebistan adierazi duenaren arabera, egoerarik larriena Del Valle, Roma eta Narvarte guneetan dago, hiriburuan, eraikin asko erori baitira.
"Datuak minutuz minutu eguneratuko dira; lan handia dago oraindik egiteko. Ez gara gau osoan geldituko", gaineratu du.
Zenbait pertsonaren arabera, gaizkile batzuk Babes Zibileko agente gisa aurkeztu dira etxebizitza batzuetan lapurtzeko; horren aurrean, Puentek esan du agenteek uniformea jantzita dutela eta identifikazio daramatela.
Amezgaiztoa
Ikastetxeetan ere, bertan behera utzi dituzte jarduera guztiak, segurtasun neurri gisa.
Dardararen ostean, milaka lagun kalera atera dira, eta boluntario ugari hondakinen artean harrapatuta egon daitezkeen pertsonak bilatzeko lanetan laguntzen ari dira.
Tokiko komunikabideek zabaldu dutenez, garraiobideetan ere kalte handiak izan dira. Mexiko eta Acapulco lotzen dituen autopistaren zati bat, adibidez, suntsituta dago, eta aireportua itxi egin dute, pistan kalterik izan ote den egiaztatzeko.
Horrez gain, zirkulazioan kaosa nagusitu da, semaforo asko oker dabiltzalako eta kale ugari itxita daudelako.
Elektrizitatearen Batzorde Federalak emandako datuen arabera, 3,8 milioi lagun argindarrik gabe geratu dira.
Handien laguntza
Googlek eta Facebookek larrialdi sistemak aktibatu dituzte, desagertutako pertsonak eta desagertuen bila daudenak harremanetan jartzeko. Googlek Alerta SOS eta Pertsonen Bilatzailea abiarazi ditu.
Bestalde, Facebookek segurtasun egoeraren Egiaztatzailea jarri du hiritarren esku, sare sozial horretako lagunak onik dauden jakiten laguntzeko.
Lurrikara handi batek kaosa eragin du Mexiko Hirian. Argazkia: EFE
Hondamendi baten urteurrenean
Herritarrak Mexiko Hirian 1985eko lurrikara gogoratzeko kaleetara atera eta bi ordutara gertatu da azken dardara handia. Duela 32 urteko hondamendian, 10.000 lagun baino gehiago hil ziren.
Bestalde, irailaren 7an gertatutako lurrikarak (8,2ko indarra hartu zuen Richter eskalan) baino gehiago astindu du hiriburua gaurkoak, hipozentroa hurbilago izan delako.
Irailaren 7ko lurrikara Mexikon gertatu den indartsuena izan zen 1932tik. 98 hildako utzi zituen herrialdeko hegoaldean: 78 Oaxacan, 16 Chiapasen eta 4 Tabascon.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek Ormuzko itsasartean harrapatuta dauden itsasontziak "askatzeko" operazioa iragarri du gaurtik aurrera.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.