Dozenaka hildako Mexikon, azken 100 urteotako dardara handienean
50 lagunetik gora hil dira Mexikon Richter eskalan 8,2ko maila hartu duen lurrikararen ondorioz. "Azken 100 urteetan" izandako sismorik handiena dela esan du Enrique Peña Nieto Mexikoko presidenteak. Oaxaca estatuan 45 hil dira gutxienez, Chiapasen 12 eta Tabascon hiru.
<< INFORMAZIO EGUNERATUA (2017/09/12) Peña Nieto Chiapasen izan da eta 96ra igo du lurrikararen hildako kopurua >>
Hasiera batean 8,4ko maila hartu duela esan bada ere, Peña Nietok 8,2koa izan dela jakinarazi du, eta datozen orduotan 7 gradutik gorako "erreplika bortitzak" izan litezkeela iragarri du, Hondamendiei Aurre Egiteko Zentro Nazionaletik bidalitako mezu batean.
Eskolak bertan behera gelditu dira hamaika estatutan. Gainera, Chiapasen, lurrikararen epizentroan, larrialdi egoera ezarri du Gobernuak.
Tsunami alertari dagokionez, orain errepliken zain daudela esan du Enrique Peña Nietok. Sismoa 50 milioi mexikarrek nabaritu dute, ia Mexikoko herritarren erdiak.
50 hildako baino gehiago
Arturo Nuñez Tabasco estatuko gobernatzaileak bi umetxoren heriotza baieztatu du. Bi haurtxoak arnasa hartzen laguntzeko makina bati lotuta zeuden, eta, argindarra eten denean, makina itzali egin da, Milenio telebista katearen arabera.
Gainera, Manuel Velasco Chiapasko gobernadoreak jakitera eman duenez, 12 pertsona hil dira.
Oaxaca estatuan, beste 45 pertsona hil dira.
Richter eskalan 8,2 graduko indarra hartu duen lurrikarak Mexiko astindu du, Chiapasko kostaldea bereziki, bertan 23:49 zirenean (04:50 GMT).
Antza denez, epizentroa Tres Picosetik (Mexiko) 120 bat kilometrora kokatu da, Guatemalako mugatik gertu, eta El Salvadorren ere nabaritu egin da.
Halaber, sismoak 10 bat kilometroko sakoneran izan du hipozentroa.
Dardarak, besteak beste, hiriburuan argindarrik gabe geratzea eragin du. Gainera, seismoak iragartzeko alarma entzun da, eta anbulantzien hotsa zabaldu da berehala.
Ozeano Bareko Tsunami Alerten Zentroak alerta ezarri du Mexiko Guatemala, El Salvador, Costa Rica, Nikaragua, Panama, Honduras eta Ekuadorren.
Sismoa inguru honetan gertatu da. Irudia: GFZ
6,1 graduko beste bat, 20 minutu geroago
Lehen dardaren ostean, 6,1 graduko beste lurrikara bat izan da Salina de Cruzetik 72 kilometrora, Oaxaca estatuan.
Bigarren horrek 32 kilometroko sakoneran izan du hipozentroa, eta oraindik ez dute ez horren kalteen ez biktimen berri eman.
Gauerdiko lurrikara izan ondoren, 65 erreplika zenbatu dituzte hurrengo bi orduetan, handiena 6,1 gradukoa, dardar handiena izan den inguruan.
Herritarrak kalera atera dira. Argazkia: EFE
Etxeak erori dira eta herritar ugari zauritu da Guatemalan
Gautemalako agintariek zabaldu dutenez, hainbat pertsona zauritu dira San Marcos hego-mendebaldeko departamentuan, Mexikoko mugatik gertu, lurrikara handiaren ostean. Etxe batzuk goitik behera erori dira dardaragatik.
San Marcos departamentuko Gobernuaren arabera, hainbat herritar zauritu dira, baina ez dute datu zehatzik eman. Pertsona bat hil den baieztatzeko lanetan ari dira.
Guatemalako lurrikarak 7,8 graduko indarra izan du Richter eskalan, Guatemalako agintarien esanetan.
Horrez gain, Guatemalako Armadak soldaduak bidali ditu inguru horretara, ahal duten guztian laguntzeko.
Ekuadorrek Galapagoak hustu ditu
Bestalde, Ekuadorreko Gobernuak Galapagoetan 4 uharte, horietan handiena den Isabela barne, husteko agindua eman du, lurrikararen ondorioz, piztutako tsunami alerta dela eta.
Galapago uharteak Ekuadorreko kostaldetik mila kilometrora daude eta turismo toki garrantzitsua da Andeetako herriarentzat.
260 erreplika baino gehiago
Lehen lurrikara gertatu zenetik, lurrak 260 aldiz baino gehiago dar-dar egin du Mexikoko kostaldearen hegoaldean, Sismologia Zerbitzu Nazionalak baieztatu duenez.
Konkretuki, sismografoek 266 erreplika antzeman dituzte 10:15 arte (bertako ordutegia), horien artean 13k Richter eskalan 5eko indarra gainditu dute. Erreplika handienak 6,1eko indarra izan du, Twitter sare sozialean zabaldutako txostenaren arabera.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek Ormuzko itsasartean harrapatuta dauden itsasontziak "askatzeko" operazioa iragarri du gaurtik aurrera.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.