Bonba-mehatxu faltsuek Europako dozena bat hegaldiri eragin diete
Aste honetan bigarren aldiz, alarma faltsuak izan dira Europako hainbat hegaldi eta aireportutan. Ondorioz, hegazkinak desbideratu eta lurreratu behar izan dituzte, eta segurtasun-dispositiboak abiatu zenbait aireportutan.
Bonba mehatxu faltsuek eragina izan dute, aste honetan bigarren aldiz, Europako zenbait hegaldi eta aireportutan. Frantzian, Italian, Belgikan, Bulgarian, Txekiar Errepublikan, Austrian, Polonian eta Danimarkan segurtasun-dispositibo handiak aktibatu behar izan dituzte.
Bidaiariak zeramatzaten hegazkin batzuk euren ibilbidetik desbideratu behar izan dituzte, bonba-alerten ondorioz, aire-base edo aireportu batean lurreratzeko. Kasu guztietan, ez dute lehergailurik aurkitu ikuskapenetan.
Beste kasu batzuetan, hegazkinak helmugara iritsi ahal izan dira. Lehergailu-teknikariek ez dute benetako mehatxurik topatu.
Europa barruko helmugak lotzen zituzten hegaldiak izan dira guztiak. Mehatxu faltsu horiek eragina izan dute Ryanair, Wizz Air, Finnair eta LOT hegazkin-enpresetan.
Kasu batean, Varsovian (Polonia), aireportuko pistetako bat itxi behar izan dute, Parisera zihoan LOTen hegaldi bati mehatxu egin ostean. Gainera, Kopenhageko aireportuan, poliziak eta militarrak bertaratu behar izan dira, alarma faltsu bati aurre egiteko.
Zure interesekoa izan daiteke
Azaroaren 9an hasiko da Turkian COP31 klima bilkura, konpromisoak akordio bihurtzeko erronkarekin
Trumpek onartu du gerrak eragin duela errepublikanoen porrota, baina Irani berriro eraso egingo liokeela esan du
Frantziako odol-bankuek zibererasoa jasan dute, eta hozkailuetako tenperatura muturreraino igo dute
Trumpek bere burua aldendu du errepublikanoen porrotetik: "Ni boto-txartelean egon izan banintz, sekulako garaipena lortuko genuen"
Sei ekintza klimatikok 1,6 milioi bizitza salba litzakete, Osasunaren Mundu Erakundearen arabera
Lehendakaria: "AEBko gizarteak bere herrialdearen norabide politikoa aldatzea erabaki du"
Abdul El-Sayed AEBko lehen senatari musulmana izango da
Nor da James Talarico, 40 urteko agintaldi errepublikanoaren ostean Texasen garaipena lortu duen demokrata?
