Unicefeko zuzendariordeak dimititu egin du, jokabide matxista egotzi ostean
Justin Forsyth Unicefeko zuzendariordeak dimisioa eman du, Save The Children erakundeko langileekiko "jarrera desegokia" agertu izana egotzi ziotela ezagutu ostean.
Gertakariak Forsythek Save The Children gobernuz kanpoko erakundea zuzentzen zuenean jazo ziren. Han lan egiten zuten zenbait emakumerenganako jarrera desegokia erakutsi izana leporatu zioten.
Henrietta Fore Unicefeko zuzendariak Forsythen dimisioa onartu du eta hark azken bi urteotan "haur ahulenak defendatzen eta haien biziak salbatzeko" egin duena lana eskertu du.
Save The Children erakundeko zuzendaria zenean, Forsythek mezu desegokiak bidaltzen zizkiela, euren janzkerari buruzko komentarioak egiten zituela eta eurenganako sentimenduak adierazten zituela salatu zuten.
Salaketa horien ondotik, 2011n eta 2015ean, Forysth ikerketapean egon zen. Garai hartan "akats pertsonal batzuk" egin zituela eta hiru emakumeei barkamena eskatu ziela esan du gaur ohar baten bidez. "Kasua itxita zegoela uste nuen", erantsi du.
Forysthek azaldu duenez, "Unicefi, Save The Childreni eta 30 urteotan umeen alde egin duen lanari kalterik egitea ekiditeko" erabaki du dimisioa ematea. 2016an iritsi zen Unicefeko zuzendaritzara.
"Argi utzi nahi dut ez dudala dimisioa eman Save The Childrenen egin nituen akatsengatik. Duela urte asko egindako prozesu batean aztertu zen guzti hori. Orduan aurrez aurre eskatu nuen barkamena eta gaur berriro eskatzen dut barkamena", zehaztu du.
Auzi honen bidez aipatu erakundeei "min egiteko nahia" ezkutatzen dela salatu du.
BBCren arabera, Forysthek mezu ugari bidaltzen zizkien hiru emakumeei eta, erantzunik jaso ezean, posta elektronikoa igortzen zien "hizketaldi pribatu" baterako deialdia eginez.
Save The Childrenek onartu du Forysthek langile horiekin "elkarrizketa desegokiak" izan zituela eta horregatik barkamena eskatu du. Era berean, horrelakorik berriro ez gertatzeko prozedurak aztertuko dituztela jakinarazi du.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.