Oxfameko zuzendariordeak dimisioa eman du Haitiko eskandaluagatik
Penny Lawrence Oxfam Erresuma Batuko gobernuz kanpoko erakundearen zuzendariordeak dimisioa eman du astelehen honetan, erakundeko kideak sexu eskandalu batean nahasita daudela argitara eman ondoren. Lurrikara bortitz batek Haiti astindu ondoren, 2010ean, jazo ziren gertakariak.
Gobernuz kanpoko erakundearen langileek egindako abusuen berri eman zuen The Times egunkariak iragan astean. Roland van Hauwermeiren Oxfamen Haitiko zuzendariak prostitutak, horietako batzuk adingabeak, kontratatu omen zituen erakundeko diruarekin.
Langileen jokabidea “onartezina” izan zela onartu zuen Oxfamek. Penny Lawrence gobernuz kanpoko erakundearen programa zuzendaria zen 2010ean. Bere zaintzapean gertatutakoarekin “lotsatuta”, dimisioa eman du orain zuzendariordeak.
“Erantzukizun guztia onartzen dut”, azpimarratu du arduradunak. Irregulartasunak Haitin eta Txaden gertatu zirela erantsi du zuzendariordeak.
“Akusazioak argi geratu dira orain, Txadeko taldeko kideek zein zuzendariak prostitutak erabili zituzten, baita Haitira joan baino lehenago ere”, onartu du agiri batean.
"Damututa"
“Oxfami laguntzen diotenei, sektoreari eta gugan konfiantza duten pertsona ahul guztiei egindako kalteagatik damututa”, agertu da Lawrence.
Mark Goldring gobernuz kanpoko erakundearen buruzagiak bigarrenaren dimisioa onartu eta deitoratu du. “Erabaki pertsonala” izan dela esan du Goldringek. “Guk bezala, gertatutakoarekin jota dago eta Oxfamentzako eta laguntzen ditugun pertsonentzako onena egingo du”, adierazi du.
Zure interesekoa izan daiteke
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.
AEBk Hego Korearekin ariketa militar bateratuak murriztuko dituela iragarri du Trumpek
Estatu Batuetako presidenteak igande honetan iragarri duenez, Seulek Iranen aurkako gerrarekin bat egiteari uko egin duelako eta Kim Jong Un buruzagi iparkorearrarekin duen "harreman bikaina" duelako hartu du erabakia.
Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".