Donostiako Udalak osteguneko greba feministarekin bat egiteko deia egin du
Ostegun honetan Emakumearen Nazioarteko Eguna dela eta antolatutako grebarekin bat egiteko deia egin du Duñike Agirrezabalaga Donostiako Udaleko Berdintasun zinegotziak, 'Emakumeak planto. Nosotras paramos' lelopean, "gizonen eta emakumeen arteko desberdintasunarekin" amaitzeko helburuz.
Aste honetarako hainbat ekitaldi antolatu dituzten emakume-elkarteetako zein Gehituko ordezkariekin batera eskaini du prentsaurrekoa Agirrezabalagak. Donostiako Udalak osteguneko geldialdiak babestuko dituela berretsi du, alderdi guztien babesarekin (PSE, Irabazi, PP eta EH Bildu; EAJ abstenitu egin da) onartutako Adierazpen Instituzionalean agerian geratu den moduan.
Gainera, Donostiako Berdintasun Batzordeak ere grebarekin eta geldialdiekin bat egiten duela azaldu du. Deialdia ez dela greba "arrunta" argitu du, "feminista eta egunero bereizkeria jasaten duten duten emakumeena" baizik.
Hala, lan geldialdiez gain, herritarren greba eta kontsumo arlokoa ere deitu dutela azpimarratu du. Horrenbestez, jarduera ugari antolatu dituzte ostegunean 12:00etan; 20:00etan, berriz, manifestazioa abiatuko da Boulevardetik.
Triptikoa
Udalak triptiko batean jaso ditu martxoaren 8a dela eta hainbat elkartek antolatutako ekimenak: asteartean, adibidez, hitzaldia izango da Emakumeen Etxean, Ekuadorreko nekazari talde baten eskutik. 'Huerta del mundo, tomar la palabra tejer mi vida' proiektua aurkeztuko dute.
Halaber, norbere defentsa feminista lantzeko bi ikastaro prestatu ditu Berdintasun sailak. Maitena Monroyk emango du lehena martxoaren 10ean, gaztelaniaz; eta Emaginek bigarrena, martxoaren 24ean, euskaraz. Izen-emateak Emakumeen Etxean egin ahal izango dira.
Azkenik, hiriko Haurtxokoetan eta Gaztelekuetan ere emakumeen borrokaren historiari buruzko jarduerak antolatu dituzte.
Zure interesekoa izan daiteke
Eusko Jaurlaritzak sektore publikoko langileen soldata % 1,5 igotzea onartu du
Igoera hori otsaileko nominan aplikatuko da, eta atzeraeraginezko ondorioak izango ditu urtarrilaren 1etik aurrera.
Korrika baliatuz 36 migratzaileri muga zeharkatzen lagundu zieten zazpi ekintzaileak errugabe jo dituzte
2024ko martxoan 36 migratzailek Irungo Santiago zubia zeharkatu zuten, Korrikarekin batera eta hainbat ekintzaileren laguntzarekin. Frantziako Justiziak horietako zazpi auzipetu zituen, eta 10 urterainoko zigorra eta 250.000 euroko isuna eskatu zuen haientzat.
Eusko Jaurlaritzak 817 milioi euroko inbertsioa egingo du 2030era arte, familia, haur eta nerabeei laguntzeko
Familiei, Haurrei eta Nerabeei Laguntzeko Erakundearteko Plan berriak (2026-2030) jasotzen dituen neurrien artean dago, besteak beste, haurrak lau urte bete arte familiek hilero jasoko duten 200 euroko laguntza. Aurtengo lehenengo hiruhilekoan onartuko du Jaurlaritzak neurri berria eta 2026ko urtarrilaren 1etik izango du eragina.
Emakunderen ikerketa baten arabera, bakarrik bizitzea "ikasketa bat da, aukera bat" adineko emakume askorentzat
'Euskal Autonomia Erkidegoan bakarrik bizi diren adineko emakumeak: emandako gizarte-baimena?' txostenaren arabera, bizilagunik ez izateak du esan nahi bakarrik sentitzen direla, gizarteak adineko emakumeei buruz duen irudi estereotipatutik hori ondorioztatzen den arren.
Duela 5.000 urte izoztutako bakterio batek hamar antibiotikori aurre egin diezaieke eta sendagaiak sortzeko baliagarria izan daiteke
Errumaniako izotz-kobazulo batean isolatuta egon da anduia, eta bi agertoki ekarri ditu: askatuz gero, mikrobioen aurkako erresistentzia larriagotu dezake, baina berrikuntza bioteknologikoei atea ireki diezaieke.
Bost gazte hil dira Manlleun (Bartzelona), trasteleku batean izandako sute batean
Bost gazteek "elkargune" gisa erabiltzen zuten trastelekua, eta oraindik ez dago argi zer egiten ari ziren sua piztu denean. Mossoek baztertu egin dute trastelekua bizitoki moduan erabiltzen zutela.
Hainbat errei itxi dituzte Bizkaian eta Gipuzkoan, luiziak eta ur putzuak direla eta
BI-630 errepidean errei bat itxi dute Karrantza parean, luizi bat izan baita. Halaber, lur-jausi bat izan da N-1 errepidean ere, Idiazabal parean, eta errei bat itxi behar izan dute. Hori guztia dela eta, Segurtasun Sailak arretaz gidatzea gomendatzen du.
Amaitu dira auto-ilarak BI-10 errepidean, Barakaldo parean bi ibilgailuk istripua izan ondoren
Ezbeharra 124. kilometroan gertatu da, Donostiarako noranzkoan, eta bost kilometrorainoko auto-ilarak sortu dira.
Albiste izango dira: Ibaien egoera, noiz atertuko du? eta greba Tubos Reunidosen
Gaurkoan Orain-en albiste izango direnen laburpena, bi hitzetan.
Ibaiak gainezka izan dira gauean, baina egoerak hobera egin du
Prezipitazio handien ondorioz, uholdeak izan dira hainbat tokitan, garajeetan eta etxebizitzetan, batez ere Butroe ibaiaren arroan. Marurin 36 auzokideri eragin die.