IAT berria indarrean sartu da
Datozen urteetarako Ibilgailuen Azterketa Teknikoa (IAT) arautuko duen Errege-Dekretu berria indarrean sartu da igande honetan Espainiar Estatuan. Araudi berriari esker, gidariek estazio berria aukeratu ahal izango dute bigarren azterketa egiteko, lehenengoan kontrako emaitza jaso ostean.
Bigarren bisita horretan, arauari jarraituta, antzemandako akatsak zuzendu ote diren bakarrik ikusiko du estazio horrek. Horrela, operadoreen arteko inpartzialtasuna bermatzen da, eta IATko estazio guztiei eskatzen zaie A motako azterketak egiteko ziurtagiria izatea.
Bestalde, ibilgailu-diagnostiko sistema irakurtzeko tresnak erabaliko dituzte estazioek. 2018an isurpenak kontrolatzen hasiko dira, eta ibilgailuaren gainerako elementuei dagokienez (hala nola, galga ez blokeatzeko sistema, egonkortasunaren kontrolak, aire-poltsak, eta segurtasun-uhalak), IAT-estazioek erabakiko dute noiz eta nola egin horien azterketa.
Gainera, ikuskarien formakuntza-prozedurak indartuko dituzte, hiru urtean behin formakuntzaren gaurkotzea jasoko dute, eta online bidezko heziketa profesionala sustatuko dute. Ikuskari-hautagaiak automozio goi-teknikariak, edo horren baliokide, izan beharko dira.
Araudi berriak eskainiko du ere IAT egiteko aukera iraungitze-data baino hilabete lehenago. Gainera, Europar Batasuneko beste herrialde batean egindako IAT onartuko da Espainiar Estatuan, ibilgailu horren matrikulazioa eskatzean.
Albiste gehiago gizartea
Ezkaba mendiaren magalean aurkitu dute joan den ostiralean Atarrabian desagertutako 70 urteko gizonaren gorpua
Gorpua toki malkartsu batean dagoenez, erreskate helikopteroa beharko da gorpua bertatik ateratzeko, ondoren autopsia egiteko.
Dozenaka pertsonak Urumea ibaia garbitu dute "altxorraren bila" berezi batean
Aste Nagusiko egitaraua zabala da eta hiriko txoko guztietara zabaltzen da. Gaur, Loiola auzoan, 40 pertsona sartu dira urumea ibaian 15 kanoatan, "altxorraren bila" original batean parte hartzeko. Helburua ibaia garbitzea zen, eta parte-hartzaileek mota guztietako hondakinak aurkitu dituzte.
Fuenmayorreko kanpalekuan oporretan zegoen 7 urteko ume bizkaitar bat hil da
Errioxako Gobernuak ez du heriotzaren zergatiaren berri eman, baina baztertu egin du bero-kolpe batengatik edo istripu batengatik izan denik. Haurra Sestao River futbol taldeko jokalaria zen.
Nojan agertu den alga asiarra Kantauri itsasoko gainerako lekuetara zabal daitekeela ohartarazi du Kantabriak
Kantabriako Gobernuak joan den ostiralean ekin zion Nojako hondartzak estali dituzten alga horiek biltzeari. Lehenengo hiru egunetan 1.620 tona erretiratu ziren eta udalaren lursail batean utzi zituzten, tratatu eta konpost bihurtzeko.
Gizon bat atxilotu dute Donostian barbakoa batean sartu eta bertan zegoen pertsona bati bularrean labankada bat emateagatik
Gertakaria astelehen arratsaldeko zortziak aldera izan zen, Gipuzkoako hiriburuko Bidebieta auzoan.
Muturreko tenperaturei aurre egiteko aholku sorta
Azken egunetan pilatutako beroak eta aste amaierara arte aurreikusitakoak, nahitaez prebentzio-neurriak areagotzea eskatzen duela ohartarazi du Eusko Jaurlaritzak, eta horretarako gomendio batzuk argitaratu ditu.
Zarrakazteluko suteak 220 hektarea erre ditu, Nafarroako Gobernuaren arabera
Suhiltzaileek atzo arratsaldean lortu zuten sutea egonkortzea eta inguratzea, eta goizean zehar ingurua freskatzeko aritu dira, baina oraindik ez dago guztiz itzalita. Suhiltzaileak kezkatuta daude arratsaldeko haize aldaketak, eta muturreko tenperaturek, sugarrak berriro piztuko ote dituen.
500 jarduera baino gehiago Bilboko Aste Nagusian, "adin eta gustu guztietan pentsatutako" programarekin
Bilboko Udalak zuzeneko musika emanaldiak, kaleko antzerkiko 23 ikuskizunak eta piroteknia lehiaketa goraipatu ditu.
Vilorian 34 urteko gizon baten hilketagatik atxilotutako gizonari behin-behineko espetxeraldia ezarri diote
Udalak elkarretaratzea deitu du gaurko, 20:00etan, hilketa gaitzesteko; Ertzaintzak ikerketa zabalik du.
Lagako hondartza hustu dute, uretatik atera duten 25 urteko emakume bat helikopteroz ospitalera eramateko
Gertakaria 19:00ak aldera izan da, Lagako hondartzako sorosleek uretan arazoak zituen 25 urteko gazte bat ikusi dutenean. Erreskatatu ostean, bihotz-biriketako bizkortze-maniobrak egin dizkiote. Bertaratutako osasun-langileek suspertze-maniobrekin jarraitu dute, ospitalera eramateko helikoptero bat iritsi den bitartean.