Marteko harkaitzetan molekula organikoak aurkitu ditu NASAk
NASAk gaur iragarri duenez, Curiosity robot esploratzaileak molekula organikoak topatu ditu Marten, duela 3.000 milioi urte osatutako harkaitzetan. Planeta gorrian bizia izan dela adieraz dezake aurkikuntzak. Curiosityren misioa 2012an iritsi zen Martera.
“Aurkikuntza oso zirraragarria da, baina molekulen jatorria ezin dugu baieztatu oraindik. Biziaren froga izan daiteke, baina meteorito bat edo beste iturri batzuk izan ditzake”, adierazi du Paul Mahaffy NASAko Eguzki-sistemaren Esplorazio ataleko zuzendariak agerraldi batean.
Molekulak sortzeko arrazoia oraingoz argi ez dagoen arren, partikula mota horiek balizko bizi mikrobiano baten elikagaia izan zitezkeela azpimarratu du NASAk.
Horrela, duela milaka milioi urte Gale krater barruan zegoen aintzira batek bizia hartzeko osagai guztiak zituen, energia iturriak eta osagai kimikoak barne, Curiosityk bildutako datuen arabera.
Curiosity robot esploratzaileak aurreneko ur zantzuak aurkitu zituen Marten 2013an. Bestalde, planetako atmosferan metano kontzentrazioa urtaro bakoitzean aldatzen dela zehaztu zuen robotak.
Planeta gorrian atmosferako metano mailak urtaro ziklo bat jarraitzen duela erakutsi dute Curiosityk Gale kraterrean egindako neurketek. Horrela, udazkenean eta udaberrian metano gehiago pilatzen dela baieztatu dute, eta gutxiago udan eta neguan.
Gasaren jatorria ezezaguna da oraindik, baina teoria nagusiaren arabera, lurpeko “klarato” izeneko gordailu batzuk izango lirateke, iraganean bertan harrapaturik geratu zelako.
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak daude.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.