'Aquarius' ontzia Valentziara joango da bi itsasontzi militarren laguntzarekin
Mugarik Gabeko Medikuak nazioarteko elkarteak eta SOS Mediterranee gobernuz kanpoko erakunde frantsesak kudeatzen duten 'Aquarius' ontzia Valentziako portura abiatuko da azkenean. Salbamendu ontzian doazen 629 migratzaileetatik 500 Italiako bi itsasontzi militarretara eramango dituzte, eta, ondoren, hiru ontziek batera egingo dute Valentziara arteko bidea.
Italiako Gobernuak bere portuetan sartzeko baimena ukatu zion 'Aquarius' ontziari. Mugarik Gabeko Medikuak elkarteak Twitter sare sozialean jakinarazi duenez, migratzaileak hiru ontzitan banatu eta Valentziara abiatzea da orain Italiako agintarien "asmoa".
Mugarik Gabeko Medikuak ekintza humanitarioak egiten dituen nazioarteko elkarte mediko bat da, jatorri naturaleko eta giza jatorriko hondamendien eta gatazka armatuen biktimei laguntza eskaintzen diena, arraza, erlijio edo ideologia politikoagatik inolako bereizketarik egin gabe. Krisi-egoeretan gure presentzia independentea eta inpartziala denez gero, berehalako laguntza eskain diezaiekegu premia handienak dituzten pertsonei. Mediku-ekintza lehenesten dugu, baina lekukotza erabiltzen dugu gure laguntza jasotzen duten populazioen alde aldaketak eragiteko baliabide gisa.
Goizeko lehen orduan Mugarik Gabeko Medikuak elkarteak jakinarazi duenez, "Aquarius ontzian jatekoa jasotzen ari dira, Italiako agintariek koordinatuta". Elkarte horrek gaineratu duenez, janaria eraman dute bidaiarientzat eta tripulazioarentzat.
"Salbamendurako Italiako Koordinazio Zentroen (MRCC) asmoa pertsona batzuk 'Aquarius' ontzitik bi ontzi militarretara eramatea eta gero elkarrekin Valentziara joatea da", adierazi du Twitter bidez elkarte horrek.
Pertsonen segurtasuna politikaren gainetik jartzea eskatu du Mugarik Gabeko Medikuak elkarteak. Italiara edo Maltara eraman beharrean Valentzian porturatuta, "dagoeneko leher eginda dauden" erreskatatutako pertsona horiek beste lau egun igaro beharko dituzte itsasoan. "Aukerarik onena gertuen dagoen portuan lurreratzea litzateke, gero erreskatatutako pertsonak Espainiara edo beste herrialde batera eramateko", nabarmendu du elkarte humanitarioak. 'Aquarius' ontzia Italiatik eta Maltatik 30 miliara eta Valentziatik 700 miliara dago.
Asteburuan 'Aquarius' ontziak 629 migratzaile erreskatatu zituen Mediterraneo itsasoan, eta Italiak bere portuetako batean sartzeko baimena ukatu ostean, itsasoan noraezean dabil.
Pedro Sanchez Espainiako Gobernuko presidenteak Valentziako portua eskaini zuen, baina hasiera batean Mugarik Gabeko Medikuak elkarteak eta SOS Mediterranee gobernuz kanpoko erakundeak aukera hori baztertu zuten eguraldiaren baldintzak, bidaiaren iraupena eta ontziaren gehiegizko edukiera kontuan hartuta.
'Aquarius' ontzian doazen 629 pertsona horien artean, bakarrik bidaiatzen ari diren 123 adin txikiko, 11 haur eta 7 emakume haurdun daude.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.