'Aquarius' ontziak baztertu egin du Valentzian porturatzea
'Aquarius' ontziak baztertu egin du Valentzian porturatzea, hara heltzeko lauzpabost egun beharko lituzkeelako eta horrek etorkinen segurtasuna arriskuan jartzea ekarriko lukeelako.
Espainiako Gobernuak eskaini dio Valentzian porturatzeko aukera, baina SOS Mediterranee gobernuz kanpoko erakundeak eta Mugarik Gabeko Medikuen erakundeak aukera hori baztertuta geratu dela jakinarazi dute, bidaia luzea izango litzatekeelako eta eguraldiak okerrera egin duelako.
Gauzak horrela, Italiako agintariei premiazko irtenbidea eman dezala exijitu diote. "Italiako itsas agintarien ardura da ontzian doazen 629 pertsonei irtenbide azkar bat ematea", azpimarratu du SOS Mediterranee erakundeak.
Halaber, Espainiako Gobernuaren eskaintza eskertu dute, azkenean aukera hori baliatuko ez badute ere.
"Ontzian 629 lagun izanda eta eguraldiak okerrera eginda, egoera kritikoa bilakatuko litzateke; helburu lagun guzti horien segurtasuna bermatzea da", azaldu du.
'Aquarius' ontziko medikua: "Egun baterako janaria baino ez dugu"
Bestalde, 'Aquarius' ontzian dauden etorkinen gehiengoak osasun arazoak ditu: nekea, deshidratazioa, giharretako mina, zorabioak eta burukomina. Gainera, orduek aurrera egin ahala horietako askok okerrera egingo dutela ohartarazi du David Beversluis Mugarik Gabeko Medikuen erakundeko sendagileak.
Gauzak horrela, ahalik eta azkarren porturatzea ezinbestekoa dela azpimarratu du. 'Aquarius'eko medikuak azaldu duenez, 20 bat lagunek erredurak dituzte, ur gaziak eta erregaiak eraginda. "Egonkor daude, baina laster zauriak etengabe artatzea beharko dute eta gure taldearentzat lan gehiegi izango da hori".
Beste paziente batzuk egoera kritikoan daude, hipotermiak eta nekeak jota, eta biriketako gaitzak izateko arriskuan egon daitezke. Beste batzuek infekzioak dituzte eta oso litekeena da ebakuntza behar izatea.
Horrez gain, sei emakumezko haurdun daude, eta oraingoz ondo egon arren, haien egoerak edozein unetan okerrera egin dezakeela esan du medikuak.
Beverluisek ohartarazi du egun baterako janaria baino ez daukatela eta, ondorioz, premiazkoa dela lehenbailehen porturatzea. Alabaina, "ez dakigu nora joango garen", deitoratu du.
Une honetan, ontzia Malta eta Sizilia artean dago. 12 ordu baino gehiago daramatzate zain eta, ondorioz, bertan dauden etorkinen artean urduritasuna eta kezka nagusitzen hasi dela adierazi du Mugarik Gabeko Medikuen erakundeak.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.