Villabonako bikote bat hil da Leonen, mozkortuta zihoan gidari batek harrapatuta
Donejakue Bidea bizikletan egiten ari zen Villabonako bikote bat hil da Leonen, mozkor zihoan gidari batek autoarekin harrapatu ostean. 12 urteko semea ere zauritu du gidariak.
Gidariak ihes egin du, eta Guardia Zibilak 15 kilometrora atxilotu du. Gizonak —Valladolidekoa— positibo eman du alkoholemia-proban. Bost aldiz gainditu du baimendutako tasa. Gainera, asegururik gabe zihoan.
Goizean izan da istripua, N-601 errepideko 293. kilometroan, Matallana de Valmadrigalen (Leon). 10:54ean deitu dute 112 larrialdietarako zerbitzura, turismo batek hiru txirrindulari harrapatu dituela eta gidariak ihes egin duela ohartarazita.
Gidaria Mansilla de las Mulasen atxilotu dute, ezbeharra gertatu den tokitik 15 bat kilometrora.
Osasun-langileak istripuaren lekuan ziurtatu dute bi helduen heriotza, eta adin txikikoa anbulantzian eraman dute Leongo Ospitalgunera.
Maite Izagirre Villabonako alkateak bere atsekabea agertu du bi heriotzengatik, eta herriko pertsona "aktiboak eta parte-hartzaileak" zirela azaldu du.
Izagirrek zehaztu du hildako emakumea Donostian jaioa zela, eta gizona, hernaniarra, baina Villabonan bizi zirela.
"Kolpe latza izan da denontzat", adierazi du Izagirrek, herria "min handian" murgildu duen gertakariaren inguruko adierazpen instituzionala prestatuko zutela jakinarazi aurretik.
Alkateak gogor gaitzetsi du gertakaria, ezin duelako ulertu "nola gerta litekeen" gidari mozkor batek oporretan zeuden bi pertsona harrapatu eta hiltzea.
Gainera, Villabonako Udalak iragarri du epaiketan herri-akusazio gisa aurkezteko asmo irmoa duela.
Bozeramaileen batzordeak onartu duen adierazpen instituzionalean "min handia" agertu eta "elkartasuna" helarazi diete biktimen senide eta lagunei.
Albiste gehiago gizartea
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.