Ehunka lagunek azken agurra eman diote Jose Maria Setien gotzainari
Ehunka pertsona bildu dira Donostiako Artzain Onaren katedralean Jose Maria Setien Donostiako gotzain emerituari azken agurra emateko. Hileta elizkizuna eguerdian izan da, Artzain Onaren katedralean. Jose Ignacio Munilla gotzainak zuzendu du meza, euskal Eliza Katolikoko goi ordezkariak bertan zirela: Ricardo Blazquez Gotzainen Biltzarreko presidentea, Francisco Perez Iruñeko artzapezpikua, Mario Iceta Bilboko gotzaina eta Juan Maria Uriarte Donostiako gotzain emeritua, tartean.
Espero bezala, jendetza batu da elizkizunera. Bertan egon dira, besteak beste, Josu Erkoreka Eusko Jaurlaritzako bozeramailea, Bingen Zupiria Kultura sailburua, Bakartxo Tejeria Eusko Legebiltzarreko presidentea, Eneko Goia Donostiako alkatea eta Markel Olano Gipuzkoako ahaldun nagusia. Agenda arazoak tarteko, lehendakariak ez du joaterik izan.
Bertaratutako ordezkari politikoetako batzuk. ETBko bideo batetik ateratako argazkia.
Sermoian, Jose Maria Setien gogoratu dute. Jose Ignacio Munillaren esanetan, "gure bokazio ebanjelizatzailea piztea" izan da haren "legatua". "Ebanjelizazioa Jesusen dei unibertsal bat da eta inor ez gaude horretatik salbu", gaineratu du.
Arrazoi bat edo beste tarteko, Setieni agurra ematera joaterik izan ez dutenak ere gogoan izan ditu Munillak, tartean, Pietro Parolin Vatikanoko Estatu idazkaria.
Eliza "familia handi bat" dela esan du Munillak, eta berau osatzen dutenak "bereziak eta ezberdinak" direla esan du. "Elizaren miraria guztiok oinarrizko horretan elkartzea da", azaldu du.
Elizkizunen ostean, Setienen gorpua katedraleko presbiterioan ehortzi dute, "berak hala eskatuta". Katedralean hobiratzen duten Donostiako laugarren gotzaina da hernaniarra.
Hil kapera
Atzotik gaur eguerdira arte egon da zabalik katedralean paratutako hil kapera. Goizean EH Bilduko ordezkaritza bat izan da bertan, Arnaldo Otegi koordinatzaile nagusia buru zuela. Buruzagi abertzalearen esanetan, Setien "maila intelektual handiko pertsona izan zen, herri honekin konprometitua. Nazional katolizismoarekin inoiz bat egin ez zuen Elizaren zati horren baloreak ordezkatu zituen".
Asteartean ere asko izan ziren handik igarotako euskal politikagintzako zein gizarteko ordezkariak. Juan Jose Ibarretxe lehendakaria izan zen hurbiltzen lehenetarikoa. Arratsaldean, Iñigo Urkullu lehendakaria, Arantxa Tapia eta Cristina Uriarte (Ekonomikoaren Garapen eta Azpiegitura sailburua eta Hezkuntza sailburua, hurrenez hurren) eta Jonan Fernandez Bake eta Bizikidetza idazkari nagusia izan ziren katedralean, eta Jose Ignacio Munillak egin zien harrera. Eneko Goia Donostiako alkatea ere doluminak ematera joan zen.
Gizarte alorreko ordezkarien artean, Pedro Miguel Etxenike fisikaria hurreratu zen Artzain Onaren katedralera. Horren hitzetan, Setien "aparta izan zen, lotsatia izanagatik, pertsona hotza zela zirudien arren".
Albiste gehiago gizartea
Elkarretaratzea egin dute Hernanin, jaietan izandako eraso arrazisten aurka protesta egiteko
Astearte goizaldeko eraso ugariez gain, asteazkenean beste eraso bat izan zen, eta, Txozna Batzordeak salatu duenez, ez dira Hernanira soilik mugatu. "Ultraeskuinaren gorakadaren" ondorioa direla uste dute, eta "ez dira gertakari isolatuak" izan.
Adierazi gabeko alergenoak dituzten Bingqi Foods markako galletak Hego Euskal Herrian saltzen ari direla ohartarazi dute
Esnea, soja edo sulfitoak dituzte. Espainiako Elikagaien Segurtasunerako eta Nutrizio Agentziak (Aesan) alergia edo intolerantzia duten pertsonei gomendatu die ez kontsumitzeko. Produktu horiek kontsumitzeak ez du arriskurik gainerako herritarrentzat.
Ehgam-ek transfobian jarri du arreta aurten bere sariak banatzeko ekitaldian
Ehgam Euskal Herriko Sexu Askapenerako Mugimenduak Loratuz Lotu, Lumagorri, Anitzak eta SuminTrans kolektiboei eman die Urrezko Hirukia saria, Gurutzetako Ospitalearen Genero Identitatearen Unitateak pertsona transak artatzeko erabiltzen duen modua salatzen egindako lanagatik. Bestetik, feminista "transbaztertzaileek" Bilbon egin zituzten jardunaldiei eman diete Larruzko Espartina "antisaria", haur eta nerabe transak jomugan jartzeagatik.
Metro Bilbaok uztailaren 1ean jarriko du martxan udako ordutegia, maiztasunak egokituta
Ostiral eta larunbat gauetako zirkulazioa zerbitzu bereziekin osatuko dute, horren ibilbidean dauden udalerrietako jaiez eta kultura-ekitaldiez gozatu ostean etxera itzuli ahal izateko.
Motor-gidari bat hil da trafiko-istripuan Errezilen
Ezbeharra 17:45 inguruan gertatu da, Errezilen, GI-2634 errepidetik zihoan motozikleta bat bidetik atera denean. Gidaria, gizonezkoa, istripua izan den tokian bertan hil da.
"Profil etnikoaren araberako kontrolak egiteari" uztea eskatu diete Ertzaintzari eta udaltzaingoei
SOS Arrazakeriak gogorarazi du Giza Eskubideen Europako Auzitegiak Frantzia zigortu berri duela "kontrol arrazistak egiteagatik".
46 urteko barañaindar bat hil da Puiun, auto batek eta kamioi batek aurrez aurre talka eginda
58 urteko kamioilaria, berriz, onik atera da. Kamioia errepidetik atera eta irauli egin da.
Erripa, Nafarroa, Adiskidetasun, Villarias eta Askao kaleetako trafikoa moztu eta aparkelakuak okupatuko dituzte Erripa kalean larunbat honetan
BBK Fundazioaren X. urteurrenaren harira itsasadarrean programatutako BBK Ria jaialdia dela-eta egingo dituzte kale-mozketak. Seinalistak egongo dira eragindako eremuetako garajeetako sartu-irtenak bideratzeko. Bilbobuseko zerbitzuan ere egongo dira aldaketak, eta horren inguruko informazioa izango da Bilbobusen aplikazioan eta markesinetan.
Irainik edo gatazkarik gabeko sanferminen aldeko konpromisoa agertu du Iruñeko Udalak
Udalak 'Sanferminetako Dekalogoa' argitaratu du, jaiak arduraz eta errespetuz gozatzeko aholkuak biltzen dituena. Gainera, dagoeneko prest dago 2.700 agentek baino gehiagok osatuko duten segurtasun dispositiboa, jaiak "soilik dibertigarriak izan daitezen".
Euskadiko 57.000 adingabek baino gehiagok ezin dute etxea hoztu bero-bolada batean
EAEko adingabeen % 16,5 tenperatura altuei aurre egin ezin dieten etxeetan bizi dira. Egoera horrek, gainera, familien % 18ri ere eragiten die.