Euskadiko 57.000 adingabek baino gehiagok ezin dute etxea hoztu bero-bolada batean
EAEko adingabeen % 16,5 tenperatura altuei aurre egin ezin dieten etxeetan bizi dira. Egoera horrek, gainera, familien % 18ri ere eragiten die.
Bihar hasi eta gutxienez uztailaren 1era arte izango den udako lehen bero-boladaren harira Save the Childrenek ohartarazi duenez, Euskadin 57.410 haur eta nerabek ezingo dute etxea hoztu euren familien baliabide faltagatik.
Espainiako Estatistikako Institutu Nazionalaren (INE) Bizi Baldintzei buruzko Inkestaren datuen arabera, EAEko adingabeen % 16,5 tenperatura altuei aurre egin ezin dieten etxeetan bizi dira, eta horrek autonomia erkidegoko familien % 18ri ere eragiten die.
Save the Children elkarteko klima-larrialdian aditua den Carmela del Moralek azpimarratu du muturreko bero-bolada hori "gure normaltasun berriaren parte" dela, eta ohartarazi du "adingabeen atsedenari, osasunari eta aisialdiaren kalitateari" eragiten diela, batez ere baldintza sozioekonomiko kaskarrenetan bizi direnei: "Beren etxeetako baldintza materialek bereziki zaurgarri egiten dituzte, besteak beste, bero-bolada eta pobrezia energetikoaren aurrean".
Guraso bakarreko familiak (10etik 8k emakume bat dute buru) bereziki egoera zailean daude. Euskadin, horien % 38k ezin dituzte etxeak fresko mantendu, bi heldu buru dituzten etxeen bikoitza baino gehiago eta Estatuko batez bestekoaren gainetik (% 35,5).
Eremu behartsuetan klimatizazio-sistema instalatzeko kostua handia dela ohartarazi du Save the Childrenek, eta energia horniduren prezio altuak eragina izan dezakeela baliabide gutxien dituzten etxeetan.
Horren aurrean, haurrak bizi eta hazten diren tokietan beroa arindu eta egokitzeko, premiazko politika publikoak eskatu dizkie erakundeei. "Gure proposamena etxebizitza eta eraikinen klima egokitzeko planak ezartzea da, alokairu-errentetan eraginik izan gabe", adierazi du Del Moralek. Gainera, bonu soziala erreformatzea eskatu dute, horiek jasotzeko aukera errazteko familia ahulenei, deskontuak bateratuz eta izapideak sinplifikatuz.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.