Urkullu: 'Euskadi herri migratzailea izan da, ezin dugu beste alde batera begiratu'
Iñigo Urkullu lehendakariak Euskadiko historia izan du gogoan, "herri migratzaile" bezala, Euskal Diasporaren Eguneko ekitaldi batean, eta nabarmendu du orain, beste herrialdeetako jendea "ate joka" dagoenean etorkizun hobe baten bila, Euskal Herriak ezin duela "beste alde batera begiratu".
Atzerrian bizi diren euskal komunitateko kideei eskainitako ekitaldian egon da Urkullu. Herrialde horietan Euskal Herriko "kultura, tradizioak eta hizkuntza" mantentzearen alde egindako lana eskertu diote.
Euskal herritar asko Ameriketara joan zirela gogorarazi du lehendakariak, batez ere XIX. Mendetik aurrera, "aukeratu zutelako edo, kasu gehienetan bezala, behartuta".
Horregatik, munduko beste tokietako migratzaile eta errefuxiatuak pairatzen ari diren egoerari erreferentzia eginez, zera galdetu du Urkulluk: "Zer izango zen gure Diaspora helmugako herrialdeetan atzera bota izan bagintuzte?".
"Orain herri migratzaile bezala dugun historia gogora ekartzen ari bagara arrazoi honengatik da: beste herri batzuk ate joka etorri zaizkigulako etorkizun hobe baten bila", esan du. Lehendakariarentzat, euskal gizartea, beste herrialdeetan "hartuta" izan den moduan, orain ezin du "beste alde batera begiratu" eta Euskal Herrira heltzen diren pertsonak hartu behar ditu.
Urkulluk esan duenez, Euskadiren iraganak, herri migratzaile bezala, eta diasporak orainaldian “aberasten dute” euskal gizartea, eta “munduari gero eta irekiago dagoen etorkizunerako bidea zehazten” laguntzen diote.
Venezuelako diaspora gogoan
Lehendakari "agur berezi bat" bidali dio Venezuelako euskal kolektibitateari haien "egoera kezkagarriaren" aurrean. Venezuelan dauden euskaldunak "laguntzen jarraituko" du Eusko Jaurlaritzak, bere "aukeren" arabera. "Ez zaituztegu bakarrik utziko, zuek Euskaditik Venezuelara heldu zirenak bakarrik utzi ez zenituzten bezala", esan du.
Gaur egun kanpora doazen euskal herritarrak ere gogoan izan ditu Urkulluk. Ez da iraganeko helmuga bera, eta beraz, "bost kontinenteetan zehar hedatu dira euskal herritarrak".
Euskal etxeak
191 euskal etxe daude, 25 herrialdetan. Euskal Herriaren garapenerako "aktiboa eta aukera" dira lehendakariarentzat.
Ekitaldia Gasteizen egin dute, Magallanesek eta Elkanok munduari emandako bueltaren 496. urteurrenean. Erakundeetako ordezkariak eta diasporarekin lotutako 120 pertsona inguru izan dira.
Zure interesekoa izan daiteke
Teruelgo aireportua hegazkinez beteta dago, ezin direlako Ekialde Hurbilera itzuli gerraren ondorioz
Ostiral honetan 10 hegazkin komertzial lurreratu dira, gehienak Qatar Airlines konpainiakoak. Teruelgo aireportua 140 hegazkinen aparkaleku izan zen pandemian.
Athleticek gaitzetsi egin ditu Jon Uriartek jasotako mehatxuak eta bere “babes osoa” adierazi dio
Erakundeak adierazi duenez, "errespetua irmo aldarrikatuz baino ez dugu gizarte eta Athletic hobea eraikiko".
Martxoaren 23an irekiko dute Osakidetzako EPErako izen-ematea
Probak ekainaren 19an, 20an eta 21ean egingo dira, eta horietan LEP eredu berri bat ekarriko du: test motako azterketak egingo dituzte eta nota hurrengo deialdietarako erreserbatuko da.
Euskal Herrian Euskarazek CCOO sindikatuaren mehatxua salatu eta mobilizatzeko deia egin du
Euskal Herrian Euskarazen agerraldia. Argazkia: EITB Media
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. 2026ko otsailaren 17tik martxoaren 19ra arte, musulmanek abstinentzia egin dute egunez. Argia egon den orduetan, ez dute jan, ez dute edan (ezta urik ere), ez dute erre eta ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.