Quiron Gipuzkoak eta Blun Planetek alzheimerra diagnostikatzeko 'app'-a sortu dute
Alzheimerraren diagnostiko goiztiarra errazte aldera, telefono mugikorretarako aplikazio bat garatu dute Quiron Salud-Policlinica Gipuzkoak eta Bunt Planet teknologia enpresa donostiarrak. 'Alzheimerraren Semaforoa' proiektuak helburu du edozein pertsonak, "modu errazean eta minutu gutxitan", gaixotasun hori pairatzeko arriskua duen edo ez jakitea.
Quiron Salud-Policlinica Gipuzkoan Parkinson eta Alzheimer Terapia Aurreratuen Programaren zuzendari den Gurutz Linazasorok eta Raul Jimeno Blun Planet enpresako ingeniariak aurkeztu dute aplikazioa, Donostian emandako prentsaurrekoan. Bertan, 'app' horrek semaforo baten funtzionamendu bera daukala azaldu dute: kolore berdea, horia eta gorria erabiltzen ditu. Horrekin, etorkizunean aipatu gaixotasuna izateko arriskurik duen ala ez jakin dezake erabiltzaileak.
Ildo horretan, Linazasorok nabarmendu du alzheimerra saihesteko garrantzitsua dela "bizimodu osasungarria" eramatea, baita tentsio arteriala neurtzea, tabakorik eta alkoholik ez kontsumitzea, dieta osasuntsua egitea eta kirola praktikatzea ere.
Halaber, "bakardadea, obesitatea eta kolesterola ekiditea" gomendatu du, alzheimerraren jatorrian parte hartu dezaketen faktoreak direla iritzita. Horrekin lotuta eta irailaren 21ean Alzheimerraren Nazioarteko Eguna denez, Gipuzkoako Poliklinikan, Donostian, hitzaldia emango du egun horretan Linazasoro neurologoak.
Munduan 47 milioi lagunek pairatzen dute alzheimerra, eta lau segundotik behin kasu berri bat diagnostikatzen dute. Gainera, aurreikusitakoaren arabera, 2040an 100 milioi pertsonak pairatuko dute. Urtean 25.000 euroko kostua dauka gaitzak gaixo dagoen pertsona bakoitzeko, eta 2015ean, mundu mailan, 818 bilioi dolarreko gastua ekarri zuen alzheimerrak, hots, barne-produktu gordinaren % 1.
"Horrekin esan nahi dugu, AEBn soilik, trilioi bat dolarrek gastua ekarriko lukeela gaixotasunak 2050erako", azpimarratu du. Gipuzkoan, gaur-gaurkoz, 10.000 lagunek dute gaitza.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.