Igarle bat kondenatu dute, Bilbon gizon bati 22.600 euroko iruzurra egiteagatik
Bizkaiko Auzitegiak bi urte eta erdiko kartzela zigorra ezarri dio Bilbon gizon bati 22.600 euroko iruzurra egin zion igarle bati. Auzitegiak egiaztatu ahal izan duenez, gizonak dirua eta bitxiak eman zizkion emakumeari urte eta erdiko epean, "magia beltza" baliatuta lana aurkituko ziolakoan. Gizonak arazo psikikoak zituen.
Gaur kaleratutako epaiaren arabera, emakumeak hainbat zerbitzu eskaintzen zituen 'Cristal' izena erabiliz; tarota, igarpenak edota energia negatiboa kanporatzeko zerbitzua, tartean. Halaber, egunkarietan eta telebista iragartzen zituen.
Iragarkia telebistan ikusi ostean, eta, lana topatzeko beharrak bultzatuta, biktima iruzurgilearen kontsultara joan zen martxoaren 9an. Lehen bisita hartan, 600 euro ordaindu zituen kreditu txartelaren bitartez. Hurrengo egunean, kontsultarik pasatu ez eta biktimaren baimenik gabe, beste 600 euroko faktura kobratu zion igarleak gizonari. Epaiaren arabera, 2013ko azarora arte hainbat aldiz hartu zuen gizona bere kontsultan, "modu bidegabean onura ekonomikoa eskuratzeko asmoz".
Diruaz gain, bitxiak (urrezko bi kate eta ezkontza-eraztuna) eta garaje batzuen eskriturak ere eman zizkion gizonak igarleari, ordainetan. Guztira, bitxiak kontuan hartu gabe, 22.687 euroko balioa zuten ondasunak.
Epaiak jasotzen duenez, magia beltza zela eta, "dirua joan bezala etorriko da", esaten zion igarleak biktimari, eta diru gehiago eskatzen zion materiala ordaintzeko.
Epaimahaiaren esanetan, "bereziki gaitzesgarria" da igarlearen jarrera, biktimaren "ezjakintasun eta ahultasuna" baliatu zituelako, eta iruzurrak biktimaren familiaren ondasunari eragin izana deitoratu du.
Hori guztia dela eta, bi urte eta sei hilabeteko kartzela-zigorra eta 22.687 kalte-ordaina ematera kondenatu du igarlea. Biktimaren familiaren ustez, iruzurra 72.000 eurokoa izan zen, baina epaimahaiak 22.687 euroko maula soilik egiaztatu ahal izan du.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.