Hiru pertsona hil dira Badalonan izandako sute batean
Hiru pertsona hil dira eta gutxienez 15 zauritu gaur goizean Badalonako (Bartzelona) etxebizitza eraikin batean piztu den sutean.
Generalitateko Suhiltzaileek jakitera eman dutenez, 09:00ak inguruan piztu da sua 10 solairuko eraikin batean.
Zaurituetako hiru pertsona oso larri daude. Horietako bik sugarretatik ihesi leihotik behera egin dute salto, larrialdietarako zerbitzuen arabera. Beste zauritua haur txiki bat da.
Generalitateko suhiltzaileak sua itzaltzea lortu dute 13:44 aldera.
Guztira, 32 pertsonari eragin die, horietako 16 ospitalera eraman behar izan dituzte: zazpi biktima Vall d’Hebron ospitalera eraman dituzte, horien artean haurtxoa, adineko bat oso larri eta bost zauritu arin. Azkenaurrekoa eraikinetik erori da.
13 pertsona tokian bertan artatu dituzte, eta sendagiria eman diete medikuek.
Hiru hildakoak bederatzigarren (92 urteko emakume bat) eta zortzigarren (oraindik identifikatzeke dauden bi pertsona) solairuetan zeuden.
Suhiltzaileek agiri batean azaldu dutenez, sutea lehen solairuko etxebizitza batean hasi da. Esquadra Mossoak arrazoiak ikertzen ari dira.
Sutea azkar zabaldu da eskaileratik gora, eta zortzi solairuri eragin die. Lau etxebizitza guztiz kiskali ditu.
Udaleko teknikariak eta suhiltzaileak egindako azterketaren arabera, suak ez dio eraikinaren egiturari kalterik egin.
Bartzelonako eta Generalitateko suhiltzaileek sua itzaltzeko lanetan parte hartu dute. Era berean, eraikinaren aurrealdeko zein atzealdeko fatxadetatik bizilagun gehienak atera dituzte.
Albiste gehiago gizartea
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.