Ibarren heriotzak seme-alabengan izango lukeen eragina azaltzea eragotzi du Baileyk
Psikologo batek epaimahaiari Pablo Ibarren heriotzak 7 eta 12 urteko seme-alabengan izan ditzakeen ondorio psikologikoak azaltzea eragotzi du epaileak. Heriotza-zigorra ala biziarteko kartzela-zigorra ezartzea gomendatu behar dute zinpekoek.
Epaiketako bigarren zatiaren jarraipena egiteko bilera egin dute aldeek eta Dennis Bailey epaileak. Bigarren fasea maiatzaren 15ean hasi zen. Lekukoen txandan, psikologo batek testigantza ematea nahi zuen defentsak.
Heriotza-zigor batek Ibarren seme-alabengan izango lukeen eragina azaltzea litzateke helburua. Euskal jatorriko estatubatuarra errudun jo zuten urtarrilaren 19an, hilketa hirukoitza egotzita. Gertakariak 1994an jazo ziren, Miramarren (Florida).
Epaileak defentsaren eskaera atzera bota du, auzipetuari ezarri beharreko zigorra erabakitzeko orduan "garrantzitsua ez" dela uste duelako.
Gainera, auzipetuaren heriotza-zigor posibleak senitartekoengan izan ditzakeen ondorio psikologikoen inguruan hitz egitea debekatu die lekuko guztiei, Andres Krakenberger Pablo Ibar Heriotza-zigorraren aurkako Elkarteko bozeramaileak jakitera eman duenez.
Krakenbergerrek epailearen "inpartzialtasun falta" salatu du berriro. Bozeramailearen ahotan, iragan asteazkenean, epaiketaren bigarren fasean egindako saio bakarrean, hilketa hirukoitzeko biktimen sei senitartekok lekukotza emateko baimena eman zuen Dennis Baileyk. Defentsako lekukoen kasuan erabakia "oso bestelakoa" izan dela nabarmendu du.
Zentzu horretan, hilketak "euren bizitzetan utzi zituen ondorioen inguruan hitz egiteko aukera" izan zuten guztiek, gogorarazi duenez. Casimir Sucharski klub bateko jabea eta Sharon Anderson eta Marie Rogers modeloak hil zituzten.
Gainera, lekukoen txanda amaitu ondoren, Baileyk berak haien testigantzak kontuan izan behar izan ez zituztela ohartarazi zien epaimahaiko kideei, Pablo Ibarren zigorra erabakitzeko orduan.
Horregatik, psikologoa entzuteko "eskubide bera" izan beharko luketela argudiatu dute defentsako abokatuek, ondoren epaileak zinpekoei edozein xehetasun edo agindu emateko aukera duelako, esaterako, "testigantza kontuan ez hartzea".
Albiste gehiago gizartea
Eneko Goiak jaien lehen egunen "balantze positiboa" egin du eta Aste Nagusiaz gozatzen jarraitzeko deia egin die herritarrei eta bisitariei
Donostiako alkateak azpimarratu duenez, ez da "gertakari aipagarririk" izan, eta hori "albiste ona" dela uste du. Aste nagusia alaitasunez, giro onean eta umorez gozatzen jarraitzeko deia egin du Eneko Goiak.
Nafarroak 11 tularemia kasu baieztatu ditu aurten, eta horietako zazpik ospitaleratzea behar izan dute
2024an, bi kasu diagnostikatu ziren. Ultzama, Larraun eta Iza ibarretan izan dira kasu gehien. Lau kasutan gaixoek karraskarien gorpuak ukitu zituzten, eta beste lautan, berriki izan zuten kaparren ziztada. 2025ean 60 kasu baino gehiago baieztatu dira Espainiako Estatuan.
Bilboko Udalak eta konpartsek eraso matxisten, arrazisten eta LGTBIQfobikoen aurkako kanpaina aurkeztu dute Aste Nagusirako
Bilboko alkate Juan Mari Aburtok erakundeen eta herritarren "konpromisoa eta erantzukizun partekatua" eskatu ditu, eraso matxista, arrazista eta LGTBIQfobikorik gabeko Aste Nagusia bizitzeko.
Arrisku handiko baso-sute askok kontrolik gabe jarraitzen dute Espainian
Dozenaka baso-sutek Espainiako hainbat puntu astintzen jarraitzen dute, eta dagoeneko milaka hektarea kiskali dituzte. Suhiltzaileak sute-egun berri bati aurre egiten ari dira asteazken honetan, eta foku nagusiak Ourensen, Leonen eta Zamoran daude.
Bost pertsona espetxeratu dituzte Donostian pertsona bat jipoitzeagatik, hura lapurtzeko
Gertaera igandean izan zen, 7:30ean, Egiako pasabidean, Gipuzkoako hiriburuko autobus geltokiaren inguruan, bost pertsonak beste bati eraso egin zietenean, lapurtzeko. Epaileak bostak espetxeratzeko agindu du eman du.
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Azken orduetan 7.000 lagun baino gehiagok gaua etxetik kanpo pasa dute. Leon eta Ourense probintziek 19 zauritu zenbatu dituzte. Gutxienez zazpi pertsona zauritu dira Leongo eta Zamorako suteen ondorioz; horietatik lau egoera kritikoan daude, eta beste hiru larri.
Baso-suteen erdia baino gehiago nahita eragindakoak izaten dira
Azken orduetan hainbat pertsona atxilotu dituzte baso-sute ezberdinen erantzule gisa, Avilako suhiltzaile bat, kasu, 2.200 hektarea baino gehiago erre baitzituen, antza, lana lortu asmoz.
Zarrakazteluko sutea freskatzen eta kontrolatzen jarraitzen dute
Gauean bertan lan egin duten suhiltzaileei txandaka egiten zaie lan 8:00etatik. Suhiltzaileek freskatze-lanak eta puntu beroen kontrola egingo dituzte asteazken goizean.