Haurrentzako eguzkitako bi kremak uste baino gutxiago babesten dute, OCUren arabera
Kontsumitzaileen eta Erabiltzaileen Elkarteak haurrentzako eguzkitako bi krema merkatutik kentzeko eskatu du ostegun honetan, iragarritakoa baino gutxiago babesten baitute.
OCUk eguzkitik babesteko 17 krema aztertu ostean jakinarazi duenez, ISDIN Fotoprotector Pediatrics Transparent Spray SPF 50+ eta Babaria Infantil Spray Protector SPF 50+ kremek ez dute iragarritako babesa ematen. Aztertutako gainerako guztiek, ordea, bai ematen dute iragarriko babesa.
ISDINen kasuan, esaterako, benetako babesa 15ekoa da UVB izpien aurrean; beraz, "erdi mailakoa" babesa ematen du, ez "oso altua", iragarritako moduan. Babaria etxeko kremaren kasuan, berriz, babes "altua" ematen du, 30ekoa, baina ez "oso altua", iragarri bezala.
OCUk gomendatzen ez dituen bi babes-kremak. Argazkia: OCU
ISDINnek ukatu egin du bere eguzkitako produktuek iragarritakoa baino babes txikiagoa dutela, eta, OCUri egindako azterketa eskatu diola baina ez duela horren berri jaso adierazi du.
OCUk krema horiek merkaturatzeari uzteko eskatu du, eta ez erabiltzeko eskatu die kontsumitzaileei, arriskutsuak baitira, uste baino gutxiago babesten dutelako.
Bestalde, OCUk Espainiako Sendagaien eta Osasun Produktuen Agentziari bidali dio ikerketa, "beharrezko egiaztapenak" egin ditzan.
Kontsumitzaileen elkartearen arabera, Garnier Delial Sensitive Advanced Bruma Antiarenak lortu du puntuaziorik onena azterketan, eta Lidl etxeak saltzen duen Cien Sun Spray Solar Infantil, berriz, onena da kalitatea eta prezioa kontuan izanda.
Bestalde, OCUren esanetan, ez da beharrezkoa produkturik garestiena erostea, eta eguzki-iragazkiak bi orduan behin eman behar direla gogoratu du.
Zure interesekoa izan daiteke
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.