Ur lurruna atzeman dute bizitzarako egokia izan daitekeen exoplaneta baten atmosferan
Zientzialari talde batek lehen aldiz ur lurruna atzeman du Lurraren tamainako exoplaneta baten atmosferan, eta horrek bizitzarako egokia izateko “orain arteko hautagairik onena” bihurtzen du, Nature Astronomy aldizkariak asteazkenean argitaratutako ikerketa baten arabera.
Lurrarekin alderatuta, K2-18b exoplanetak zortzi aldiz masa handiagoa dauka, eta bere tamaina bi aldiz handiagoa da. 2015ean aurkitu zuten, eta atmosfera zabala duen planeta harritsua izan daiteke, edo bere barnean ur kopuru handia duen planeta izoztu bat.
Zehazki, Angelos Tsiaras buru duen University College Londoneko talde batek aztertu du K2-18b exoplaneta, espazioan dagoen Hubble teleskopioak lortutako datuak oinarri hartuta.
Zientzialariek igarotze-espektroskopia gisa ezagutzen den teknika erabili dute. Izan ere, horren bidez, planeta bere izarraren aurretik igarotzen denean atmosferaren bidez iragazten den argia aztertu daiteke, eta horrek aukera ematen du bidean utzitako elementu kimikoak aztertzeko.
Sistema horrekin, K2-18b planetaren atmosferan ur lurruna dagoela frogatu ahal izateko ebidentzia sendoak aurkitu dituzte ikertzaileek. Halaber, atmosferan hidrogeno kopuru handia egon daitekeela iradoki dute.
“Eguzki-sistematik kanpo ura edukitzeko tenperatura egokia, atmosfera bat eta ura dituen planeta bakarra da hau, oraingoz ez dugu besterik aurkitu. Horrenbestez, bizitzarako egokia izateko orain arteko hautagairik onena da”, adierazi du Tsiarasek ikerketaren nondik norakoak azaltzeko asmoz egindako agerraldi batean.
Hala, gasen konposizio zehatza oraindik zehazterik izan ez duten arren, ikertzaileen ustez planeta horren atmosferaren erdia inguru ura izan liteke.
Aztertutako exoplaneta honek Lurretik 110 argi-urteko distantziara dagoen izar nano gorri baten inguruan orbitatzen du, Leo konstelazioan.
Izarraren aktibitate-maila altua denez, planeta horretan gurean baino erradiazio gehiago egon daitekeela uste dute zientzialariek. Gauzak horrela, bizitzarako egokia izan arren, ingurumena konplexuagoa izan liteke.
Testuinguru horretan, datozen urteetan merkaturatuko dituzten teleskopio espazial berriekin honakoa bezalako planeta txikiak xehetasun handiagoz aztertzeko gai izatea espero dute ikertzaileek.
"Datozen bi hamarkadetan hau bezalako ‘superlur’ berri asko aurkitzea espero dugu, beraz, litekeena da bizigarriak izan daitezkeen beste planeta askoren lehen aurkikuntza izatea", adierazi du Ingo Waldmann ikerketa honetako kideak.
Albiste gehiago gizartea
Foru Parlamentuak harrera egin die Nafarroan oporretan dauden adingabe sahararrei
Nafarroako Parlamentuak harrera familiekin uda igarotzen ari diren 100 bat haur saharar hartu ditu gaur. Ekitaldian, Foru Ganberako presidente Unai Hualdek ongietorria eman die haurrei, eta Tindufeko kanpalekuetako arazo burokratikoengatik haien etorreraren izandako atzerapena aipatu du.
Hiru pertsona zauritu eta beste hiru atxilotu dituzte Barakaldoko jaietan izandako borroka batean
Liskarra igande goizaldean gertatu zen, Karmengo jaien azken egunean. Zaurituetako batek hainbat ebaki izan zituen, botila batekin erasotu egin ondoren.
Ertzaintzak ikerketa abiatu du, Donostian arma zuriz egindako eraso bat argitzeko
Erasoa igandean gertatu da, Antiguon. Gizona Donostia Ospitalera eraman dute, zauri larriekin, eta oraingoz ez dute inor atxilotu.
Albiste izango dira: Istiluak Azpeitian, BSHko langileen bozketa eta hauteskundeak Japonian
Gaurkoan albiste izango direnen laburpena, bi hitzetan.
Emakumezko bat ikertzen ari dira autoarekin bikotekidea zauritu eta alde egiteagatik
Gertaera ostegun gauean izan zen Gasteizen, eta 23 urteko emakumea larunbatean aurkitu zuen Ertzaintzak. Gizona ospitalera eraman behar izan zuten larri zaurituta. Emakumeak dio gizona jarrera bortitzez autora autora igotzen saiatu zela eta beldurtuta ihes egin zuela, zauri larriak zituela jakin gabe.
Elkarretaratzea Barakaldoko txosnen gunean, arrazakeriaren aurkako herria direla aldarrikatzeko
Gaur arratsaldean elkarretaratzea egin dute Barakaldoko txosnen esparruan, bart gauean herriko bizilagun batek jasan zuen eraso arrazista salatzeko. Ohikoa da Karmengo jaietan beste herrialde batzuetatik bertara bizitzera etorritako bizilagunek txosna bat jartzea eta ez da inoiz arazorik izan. Atzo gizonezko bat gogor oldartu zen bertan lanean ari zirenen aurka, oihu arrazista eta jarrera erasokorrean. Torrepachecon gertatutakoa ikusita, jarrera horiek moztu eta Barakaldon horrelakorik ez dutela onartzen adierazi dute.
Baztandarren arteko senidetasun jai handia egin dute gaur Elizondon
Musika eta dantzaz betetako festa ospatu dute gaur baztandarrek. Bailarako ohitura eta izaeraren adierazgarri diren gaiak aurkeztu dituzte. Aroztegiko obren aurka aritzeagatik auzipetutako baztandarrek ireki dute desfilea.
59 urteko nafar bat hil da Esako urtegian kirola egiten ari zela
Lagun talde batekin joan da hildakoa urtegira. Une batean, oso nekatuta zegoela eta ezin zela ertzera iritsi abisatu du baina lehen erreskate-ibilgailua iritsi denerako hilda topatu dute.
Bilbo Sluggins, munduko barraskilorik azkarrena
Jendetza bildu da Erresuma Batuko Congham landa-komunitatean, non Munduko Barraskilo Lasterketa bitxia egin den. Zehazki, Shell Rowek bere Bilbo Sluggins barraskiloarekin irabazi du 1960tik urtero egiten den ekitaldi honetan.
Istiluak izan dira bart Azpeitian gazte batzuen eta polizia agenteen artean, eta bi ertzain zauritu dira
Eusko Jaurlaritzako Segurtasun sailak gertakaria gaitzetsi du, eta elkartasun osoa adierazi die agenteei. EUSPEL, ESAN eta ERNE sindikatuek gogor kritikatu dituzte gertakariak. Arratsaldean ehunka lagun bildu dira Azpeitiko plazan Gaztetxeak deitutako protesta bilkuran.