Bi pertsona artatu behar izan dira Basurtuko Ospitalean piztu den sute bategatik
Larrialdi zerbitzuek bi langile artatu dituzte bart Basurtuko Unibertsitate Ospitalean piztu den sutean kea arnasteagatik, Eusko Jaurlaritzako Segurtasun Sailak jakitera eman duenez.
Suak, Guturbay pabilioiko teilatupean eta hirugarren solairuan eragin ditu kalterik handienak, eta zerbitzuz kanpo utzi ditu, oraingoz, lehen eta bigarren solairuak. Dena dela, "jarduera kirurgikoan ez du eraginik izan, ezta larrialdiko eta ospitaleratutako gaixoen arretan ere", zentroko zuzendaritzaren arabera.
Sotoko eta beheko solairuak, non hematologia laborategia eta Odol Bankua dauden, normaltasunez ari dira lanean.
Gainera, lehen solairua garbitu dute, laborategi biokimikoari dagokiona, eta goizean zehar martxan jartzea espero dute. Bigarren solairuan mikrobiologia-laborategia dago, eta horren egoera aztertzeko zain daude.
Nekane Mugika Eusko Jaurlaritzako Osasun sailburuak Basurtuko Ospitalea bisitatuko du gaur, bart pabilioi baten piztutako suteak eragin dituen kalte materialak ikusteko.
Antza denez, sua 21:45ean piztu da, laborategiak dauden eraikinean, oraindik argitzeke dauden arrazoiengatik. Alarmak jo bezain laster, laborategiko langileak atera dituzte, eta handik gutxira suhiltzaileek kontrolpean hartu dute sua.
Basurtuko arduradunak Gurutzetako eta Galdakaoko ospitaleekin harremanetan jarri dira, haien laborategiak premiazko analisiak egiteko erabil ditzaten. Ildo horretatik, Osakidetzak gaur emango ditu gertatutakoari buruzko azalpen gehiago.
Bestalde, ESK sindikatuak eskerrak eman dizkie bertaratu diren larrialdi zerbitzuei, eta gertatutakoa argitzeko ikerketa sakona egiteko eskatu dio zuzendaritzari, eta, aldi berean, prebentzioaren alorrean egindako ahalegina areagotzeko eskatu du.
Bestalde, Udaleko iturrien arabera, Juan Mari Aburto alkatea suhiltzaileen dispositiboaren berri izan zuen une oro, eta Ospitaleko zuzendaritzarekin hitz egin zuen, sutearen nondik norakoak ezagutzeko.
Sutea Basurtun. Argazkia: EiTBç
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.