Ez da hirigunerik helikopteroz fumigatuko, koronabirusari aurre egiteko asmoz
Koronabirusak duen hedapen eta kutsakortasun maila altuaren ondorioz, Espainiako Gobernuak eta Eusko Jaurlaritzak neurri zorrotzak hartu dituzte pandemiari modu eraginkorrenean aurre egiten saiatzeko xedearekin.
Aipatutako neurrien artean, oso nabarmena da alarma-egoera indarrean jarri izana. Horren eraginez, herritarren gehiengoa etxean dago konfinatuta, besteak beste, kutsatze gehiago izateko arriskua murrizte aldera.
Dena den, orain arte hartutako neurrien artean, oraingoz ez dago hainbat hiritako kaleak airez fumigatzeko aukera, WhatsAppetik dabiltzan hainbat mezuk eta irudik hala izango dela ohartarazten duten arren.
Horrela, irudi horietako batean esaten denez, "gaueko 23:00etatik aurrera, hainbat helikopterok botikak jaurtiko dituzte desinfektatzeko asmoz" eta zeregin horretan "5:00ak arte" ibiliko direla gaineratzen du. Jarraian, gauez "leihoak ixtea" eta "kalean ez egotea" iradokitzen du ohartarazpen faltsuaren egileak.
Antzeko ideia zabaltzen duen beste mezu batek honako hau dio hitzez hitz (jatorrizkoa, gaztelaniaz):
"Amigos a los que tengan ropa tendida y cerrar ventanas de 12 a 4 de la mañana aviones militares fumigarán sevilla, Cádiz, malaga, y Madrid compartír a todas tus gentes".
Aitzitik, gezurra da COVID-19 gaitzaren aurka borrokatzeko hiriak fumigatuko direla, ez helikopteroz ezta hegazkin militarrez ere, eta hala jasotzen du Poliziak berak Twitterren duen kontu ofizialean:
Zure interesekoa izan daiteke
Donostiak eta Gasteizek atxilotuen delitu-historia ikusteko aukera izango dute
Berrerortzeari aurre egiteko eta segurtasuna indartzeko neurria da, eta udaltzainek Justizia Ministerioaren artxiboetan izango dute atxilotuen aurrekarien berri zuzenean.
Hasi da Elikagaien Bankuen udazkeneko Bilketa Handia
Elikagaien bankuen helburua da ia hutsik dauden biltegiak elikagaiez eta beste produktu batzuez betetzea, gehien behar duten familiei laguntzeko. Gehien behar diren produktuak olioa, haurrentzako elikagaiak, arrain-kontserbak, tomate frijitua edo birrindua eta gosaltzeko produktuak dira. Elikagaien bankuek garbiketarako eta higiene pertsonalerako produktuak ere eskatzen dituzte.
"Zailena hau dena egia bihurtzeko testuingurua sortzea izan da"
Albaola Itsas Kultur Faktoriako arduradun Xabier Agotek esan duenez, Albaola "dimentsio horietako proiektu bati ekiteko beharrezko testuingurua da". "Ezagutza berreskuratzea, azpiegitura sortzea eta zerotik hastea izan da zailena", azaldu du.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Donostiako Udalak garraio publikoa erabiltzeko gomendatu du.
Albiste izango dira: 'San Juan' baleontziaren uretaratzea, Euskadiko angula arrantzaleen egoera eta kontrol saioa Eusko Legebiltzarrean
Gaurkoan Orain-en albiste izango direnen laburpena, bi hitzetan.
Osakidetzak Casillako txertaketa-zentroa itxiko du gaur, Bizkaian gripeak gora egiteari utzi baitio
Kutsatzeen kurba egonkortu da txertaketa-ahaleginari eta immunizazio-maila altuari esker. 447.000 pertsonak baino gehiagok hartu dute txertoa azken asteetan EAEn, eta horri esker itxi ahal izango da Bilboko txertodromoa, aurreikusita zegoen bezala.
Bilketa Nagusian ezinbestekoak diren 5 elikagaiak, eta eman zenitzakeenik ez zenekien beste batzuk
Elikagaien Bilketa Nagusia azaroaren 7an eta 8an izango da “Kilo bat enpatia” lelopean. Ekimen horretan, donazio guztiek garrantzi handia dute, eta elikagai jakin batzuk urriak dira.
San Juan baleontzia uretaratuko dute ostiral honetan Pasaian, kroskoa eraikitzeko lanak amaituta
Duela hamarkada bat baino gehiago hasitako proiektua, XVI. mendean Kanadan hondoratutako euskal baleontziaren erreplika fidela da. Jarraitu zuzenean, 15.30etik aurrera, uretaratzea orain.eus-en.
San Juan baleontzia: Atlantikoko uretan berpiztu zen euskal altxorra
XVI. mendean Pasaian eraikitzen ziren ontzi ugarietako bat da San Juan itsasontzia. 1565eko udaberrian, Kanadako kostaldearen aurrean hondoratu zen, eta itsaspean egon zen 400 urtez baino gehiagoz. 1978an ontzia aurkitu zuten, eta, harrezkero, euskal merkataritzari eta itsas ondareari buruzko historiaren adierazgarria da. 12 urteko lanen ostean, Pasaiako Albaola ontziolak baleontzi mitikoaren erreplika uretaratuko du gaur arratsaldean.
Itsasadarrak gainezka egin du Zorrotzaurren, marea biziak direla eta
Bilboko itsasadarrak gainezka egin du berriro ere ostegun honetan Zorrotzaurreko zenbait tokitan, marea biziak direla eta. Euskalmeten abisu horiak, itsasaldeko arriskuagatik, larunbatera arte iraungo du.