Euskal enpresak, koronabirusaren diagnostikoa bizkortzeko test batean lanean
Araba, Bizkai eta Gipuzkoako teknologia parkeetako hainbat enpresa koronabirusarekiko infekzio goiztiarra aurreratzeko metodoak gauzatzeko lanean ari dira, eta beste enpresa batzuk gaixotasunaren ondorioei aurre egiteko tratamenduen bila dihardute.
SPRI enpresen garapenerako agentziak biozientzien eta osasunaren arloan, Euskal Autonomia Erkidegoko teknologia parkeetan “presentzia nabarmena” duten bi esparrutan, eta manufakturan eta eranste industrian hainbat euskal enpresa lantzen ari diren proiektuen berri eman du.
Besteak beste, Osasen gaixotasun ezberdinekin lotutako analitoak identifikatu eta monitorizatzen dituen enpresan, koronabirusaren markatzaileak azkar zehazteko gailu batean ari dira lanean, azterketak arretagunean egin eta eri larriak albait arinen atzeman ahal izateko.
Arlo horretan bertan, Progenika Biopharma enpresan, diagnosi metodo bat garatzeko lanak bizkortzen ari dira, PCRan (polimerasaren kate-erreakzioa) oinarritutako tekniketan lortzen den sentikortasun maila bera duen beren teknologian funtsatuta, eta hurrengo asteetan erabilgarri egongo dela aurreratu du SPRIk.
Histocell bizkaitarrak saiakuntza klinikoa abiatuko du, HC016 zelula ametan oinarritutako terapia zelularreko bere botikarekin, SDRA (arnasbideko sindrome larria), koronabirusaren konplikazio larriena, duten eriekin.
Graphenea donostiarrak, grafenoaren teknologiako munduko liderrak, bere jarduna aldatu du behin-behinekoz, bere laborategietan egunean 500 litro hidrogel ekoizteko, eta I+Med arabarrak, azido hialuronikotik eratorrita farmazia industriarako nano-hidrogeletan espezializatuak, 20 litro hidroalkohol egiten ditu egunean, ospitaleei emateko.
Mizar Additiva Manifacturing arabarrak 1.000 maskara sanitario egiten ditu astean, 3Dko teknologia erabiliz, baita 4.000 bisera eta arnasgailuetarako balbulak ere.
Optimus 3D ingeniaritza eta eranste industriako enpresa, bestalde, biserak eta arnasgailuetarako egokigailuak egiten ari da, eta beste eragile batzuekin batera garatu duen 3Dko arnasgailua egiaztatzeko zain dago.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.