Polizia ez dago biktimak gel desinfektatzailez lokartzen dituen lapur batzuen bila
Poliziak ez du inolako alertarik abiatu Manos Limpias ustezko gobernuz kanpoko erakundeko partaide direla esanez euren biktimak gel desinfektatzaile bat usainarazita lokartzen dituzten lapur batzuen aurka. Poliziak berak ukatu egin du, eta aldiro-aldiro bueltatzen den bulo bat dela adierazi du.
Azken egunotan, polizia-alerta baten itxura duen mezu bat zabaldu da WhatsApp bidez, "drogak erabilita" pertsonei eraso egiten dien ustezko lapur talde baten berri emateko. Mezu horren arabera, honako hau da lapur horien balizko jarduteko modua: "Manos Limpias izeneko gobernuz kanpoko erakundeko ordezkari" gisa aurkezten dute euren burua, oinezkoengana hurbildu eta eurek eskainitako gel desinfektatzaile batekin eskuak garbi ditzatela proposatzeko, koronabirusaren pandemiaren garai hauetan oso barneratuta dugun keinua izaki. Ondoren, gela usainarazi eta biktimak lo geratzen dira ordu batzuez, eta tarte hori baliatzen dute ustez gaizkileek lapurretan egiteko.
Aipatu mezuaren edukiak ohartarazita, hainbat erabiltzaile jarri dira harremanetan 600 900 454 WhatsApp zenbakiarekin , hau da, koronabirusaren inguruan sortzen diren albiste faltsuak geldiarazteko EiTBk martxan jarri duen #Koronabuloak ekimeneko telefonoarekin.
Honako hau da WhatsApp bidez hedatu den mezuaren argazkia:
WhatsAppez zabaldutako ustezko polizia-alertaren irudia. Argazkia: EiTB
Alabaina, mezu faltsu baten aurrean gaude, Polizia Nazionalak berak Twitterren duen kontu ofizialaren bidez gezurtatu duena; izan ere, "aspaldidanik bueltaka dabilen eta aldiro-aldiro birbidaltzen den gai bat da".
Hala, Polizia Nazionalak mezu beraren berri eman zuen 2015ean ere. Aitzitik, ikus daitekeenez, egun bueltaka dabilenak duela bost urtekoak itxura landuagoa dauka, Espainiako Barne Ministerioaren, Polizia Nazionalaren eta Guardia Zibilaren irudi korporatiboak txertatzen baititu, mezuari sinesgarritasun handiagoa aitortzeko xedearekin.
EiTBk, koronabirusaren inguruan sortzen diren faltsuei aurre egiteko asmoz, #Koronabuloak ekimena jarri du martxan, eta egitasmo horretan Radio Euskadiko La Mecanica del Caracol programan parte hartzen duen komunitate zientifikoa, EiTBk Maldita.es webgunea (Maldito Bulo atalaren bidez) eta VOST Euskadi elkartea (Euskadiko Boluntario Digitalen Elkartea) ditu bidelagun.
Zure interesekoa izan daiteke
Hilda topatu dute Arredondon, Kantabrian, desagertutako mendizale bilbotarra
Goizeko lehen orduan aurkitu dute haren ibilgailua, eta, horri esker, mendizalea inguru horretan zebilela baieztatu, eta bilaketa-eremua mugatu dute.
Iruñea kolorez eta euskararen aldeko aldarrikapenez bete du Korrikak
Milaka lagun korrika ibili dira Nafarroako hiriburuko kale eta auzoetan barrena, euskararen aldeko festa jendetsu bihurtuta. Adin guztietako pertsonak bildu dira Iruñean, indarrak hartu ondoren, kaleak energiaz, emozioz eta konpromisoz betez.
Albaceteko zale batekin eztabaidatu ostean hil den Racingeko zale baten heriotza ikertzen ari dira
Ikerketaren gertuko iturriek baieztatu dutenez, gertakariaren jatorria ez dago futbolarekin lotuta, ezta bi taldeetako jarraitzaileen arteko borrokaldi antolatu batekin ere.
EITBk Korrikaren lekukoa eraman du Iruñean
Euskararen aldeko lasterketak EITBren babesa jaso du aurten ere. 24. Korrikaren 763. kilometroa korritu du EITBk, Iruñean, Sadar kalean. Arnaitz Fernandez ("Eguraldia") eta Amaiur Elizari ("Navarra Hoy") aurkezleek eta Iruñeko egoitzako lankideek eraman dute lekukoa Nafarroako hiriburuan.
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.