Krisiak kultur ekitaldien % 82ri atzerapen edo etenaldiekin eragin die
Euskadin martxorako, apirilerako eta maiatzerako programatutako kultur jardueren % 82,6k koronabirusaren krisiaren eragina pairatu dute, eta horrek ekitaldi gehienak atzeratzera edo bertan behera uztera behartu ditu; sektoreko langileen bi herenek uste dute ondorioak larriak edo oso larriak izango direla.
Inkestaren arabera, aurreikusitako kultur jardueren erdiak atzeratu egin dira, eta hirutik bat bertan behera geratu da. Gainera, liburu eta diskoen salmenta % 62,5 jaitsi da.
Aurreratu duenez, orain arte aldi baterako lan-erregulazioaren 562 eskaera aurkeztu dituzte kultura-, arte- eta ikuskizun-sorkuntzako enpresek, eta beste 121, berriz, liburutegiekin, artxiboekin, museoekin eta bestelako kultura-jarduerekin zerikusia duten jardueretarako.
Datu horiek Kulturaren Euskal Behatokiaren txosten batean jaso dira; azterlanean ateratako ondorioetako batzuk ostiral honetan aurreratu ditu Bingen Zupiria Kultura sailburuak, Eusko Legebiltzarrean egindako agerraldi batean.
Pandemiak kulturan duen eragina aztertzera bideratutako lana inkesta batean oinarritu da. Bertan, Euskal Autonomia Erkidegoko kultura-sektoreetako 234 eragilek parte hartu dute.
Txostenaren arabera, ekitaldien erdiak datarik gabe atzeratu dira; % 20, berriz, ondorengoko data batean egingo dira, eta % 33, bertan behera geratu dira.
Gainera, % 44k kezka agertu dute egoera horri aurre egiteko duten gaitasun eskasagatik.
Sailburuak nabarmendu du azterketaren ondorioetako bat dela pandemiaren eragina bereziki gogorra izan dela diru sarrera txikiagoak dituzten enpresetan.
Era berean, sektore horrek instituzioei laguntzeko martxan jarritako neurrietara modu eskasean jo duela ondorioztatu dute, eta horren inguruan "gogoeta egin beharko da", aitortu du sailburuak.
Albiste gehiago gizartea
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.
Erretzea debekatuta, Iparraldeko parke eta hondartza publikoetan
Eskola inguruak, autobus geltokiak eta kiroldegiak ere debeku horren barruan daude. Hala ere, tabernetako terrazetan ez da debekua ezarri, eta neurriak ez die bapeagailu eta antzekoei eragiten.
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago, atxiloturi, beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok okerrago egiten du lo, maila zentralean gure tenperatura jaitsi egin behar delako lo hartzeko, eta egun hauetako beroarekin zailagoa da. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea: min iraunkorra tratatu bai, baina mendekotasuna saihestuta.
EHUk irudi berria aurkeztu du, Chillida Lekun
Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute, eta Leire Berasaluzek abestu du.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.