Jaurlaritzak aholkularitza zerbitzua eta bi gida jarri ditu kulturgileen eskura
Eusko Jaurlaritzako Kultura eta Hizkuntza Politika Sailak kultur arloko langileei zuzendutako aholkularitza zerbitzua jarri du martxan aste honetan, interesa dutenei covid-19ak eragindako krisiaren ondorioz abiatutako laguntza lerroei buruzko informazioa helarazteko.
'Kulturklik Pro' plataformaren bitartez bideratzen da zerbitzua, eta bi tresna eskaintzen ditu: aholkularitza pertsonalizatua eta, horrekin batera, kultur sektore desberdinetako profesional eta eragileei zuzendutako bi gida.
Besteak beste, Kultura eta Hizkuntza Politikako Sailak Lanbide enplegu zerbitzuarekin batera bultzatutako dirulaguntzen inguruko informazioa (Kulturako Profesionalentzako Programaren bidez 2,5 milioi euro bideratuko dira), eta kultur sorkuntza sustatzeko dituen dirulaguntza deialdien berri (12 deialdi eta 50 modalitate inguru) ematen du zerbitzuak.
Galde-erantzun telematikoak
Bingen Zupiria sailburuak esan duenez, "kultur arloko langile eta eragileek zalantzak dituzte laguntzen inguruan. Aholkularitza zerbitzu honen helburua da laguntza pertsonalizatua eskaintzea kulturaren arloko norbanako zein eragileei".
Galderak telematikoki bideratuko dira, eta interesdunek posta elektronikoz edo telefonoz jasoko dute erantzuna 48 ordu baino lehenago.
Gidak
Bi gidetako batek 'Euskadiko kultura-sektorearentzako neurrien eta laguntzen gida Covid-19ren aurrean' du izena, eta kulturaren arloko langileentzat interesgarriak izan daitezkeen hainbat neurri batzen ditu: “langile autonomoen zerbitzura jarritako laguntzak eta prestazioak; azken asteetan onartutako zerga erraztasunak; finantzaketa ildoak; aldi baterako okupazio erregulazioko espedienteei buruzko informazioa; Gizarte Segurantzari egin beharreko ordainketen luzapena; ura edo elektrizitatea aurrezteko neurriak; edo zorraren luzapenei buruzko informazioa”, Kultura Sailak ohar batean azaldu duenez.
Bigarrenik, Kultura eta Hizkuntza Politika Sailak 'Kulturako profesionalei laguntzeko programari buruzko ohiko galderak' izeneko gida jarri du eskura. Kasu horretan, helburua da Sailak berak eta Lanbidek abian jarritako programaren xehetasun guztiak azaltzea. Bigarren gida hori Lanbideren laguntzak argitaratzen diren egunean argitaratuko da, Sailetik azaldu dutenez.
Zure interesekoa izan daiteke
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Atletico San Sebastian danborradak Jose Ramon Soroiz omendu du
Atletico San Sebastian danborradak bere kideetako bat omendu du, Jose Ramon Soroiz aktorea, hain zuzen, Donostiako Zinemaldiaren azken edizioan Zilarrezko Maskorra jaso zuena. Gaur arratsaldean hunkituta jaso du elkartearen saria, eta ahalik eta ondoen ospatu du: upelen eta danborren doinuekin bat eginez.
Labayruk bizkaieraren gramatika sareratu du
Mendebaldeko euskararen ezaugarri morfologiko, sintaktiko eta ortotipografikoak batu eta sailkatu ditu fundazioak, “euskara darabilen edo euskaraz idatzi nahi duen edonorentzat”.
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.
Igandean hasiko dira aurtengo maskaradak, Irurin eta Ozazen
Urtarrilaren 18tik apirilaren 26ra, 15 saio egingo dituzte Zalgize, Mendikota, Ozaze eta Iruriko gazteek.
Indarkeria matxista "normalizatuta" dago ikus-entzunezkoen eta arte eszenikoen euskal sektoreetan
(H)emen Elkarteak eta EAB Euskal Aktoreen Batasunak bultzatutako ikerketa batek agerian uzten du ikus-entzunezkoen eta arte eszenikoen sektoreetan "indarkeria matxista ez dela kasu isolatuen emaitza, baizik eta sektorearen egiturarekin lotutako errealitate sistemikoa".
"Linguae Vasconum Primitiae" euskaraz inprimatu zen lehen liburuak azken eguna du Euskal Herrian
Bernat Etxeparek 1545ean idatzitako lana, euskaraz argitaratu zen lehen liburua, Bordelen izan da ikusgai. Frantziako Liburutegi Nazionalak du liburuaren kopia bakarra, eta azken hiru hilabeteetan Baionako Euskal Museoan izan da ikusgai. Hainbat erakundek eta hautetsik bertan uzteko eskatu badute ere, Parisko liburutegira itzuliko da, hiru urtez ilunpean gordeta edukitzeko.
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Hauek izan dira kultura arloko urteko albiste nagusiak
2025. urteak sekula ikusi gabeko bideak ireki ditu euskal musika industrian. Bukatzera doan urte hau sold outen eta kontzertu handien urtea izan zela gogoratuko dugu ezinbestean.
“Itzalaldia”, “soldadutza”, “flotilla” eta 2025ean “desiraungi” diren beste hitz batzuk
UZEI terminologia eta lexikografia zentroak bukatzear den urtean ahoz aho ibili diren 25 hitz aukeratu ditu. Joan den astean, “muga-zerga” aukeratu zuten urteko hitz bezala UZEIk berak eta Euskaltzaindiak.