'Ghost in the Cell' filmak irabazi du Fantasiazko eta Beldurrezko Zinemaren Asteko film luzerik onenaren saria
Europako Fantasiazko Film Labur Onenaren saria Paula Gallegoren Insecticida lanarentzat izan da, eta Danel Garay eta Laura Barquinen Azpian filmak Euskal Film Labur Onenaren EITB Saria irabazi du.
'Ghost in the Cell' filma.
Donostiako Fantasiazko eta Beldurrezko Zinemaren 37. Astearen palmaresa iragarri dute ostiral honetan. Ikusleek Ghost in the Cell (Joko Anwar, 2026) film indonesiar-korearrari eman diote film luze onenaren saria, eta The Seeing Eye Dog Who Saw Too Much (Eric Jackowitz, 2025) filmari, berriz, film labur onenarena. Azken horrek Film Labur Onenaren Gazte Epaimahaiaren saria ere jaso du.
Animaziozko film labur onenaren saria Zwermen (Janneke Swinkels eta Tim Frijsingerde, 2025) lanak irabazi du, eta Espainiako film labur onenarena Amor de padre (2026), Caye Casasen pelikulak.
Horrez gain, Méliès saria Insecticida (2026) Paula Gallegoren pelikulak irabazi du, Film Labur Onenaren Epaimahaiaren Saria The Last Jiangshik (Yu Chih-Chieh, 2026), Espainiako Film Labur Onenaren Scifi saria Señuelok (Martha G. Ayerbe, 2025), eta Euskal Film Labur Onenaren EITB Saria Azpian lanak (Danel Garay eta Laura Barquín, 2026) .
Azkenik, Film Luze Onenaren Blogos de Oro Saria No Rest for the Wicked (Kasper Kalle, 2026) filmak eraman du.
Zure interesekoa izan daiteke
Ikusi, primizian, "Hermanas" filmaren trailerra
Urkijok, "Hiru olatuak" filmari buruz: "Egin dudan pelikularik handiena da"
Patrick Stewart 'Star Trek' unibertsoko aktore ospetsua hil da
"La bola negra"-k Oscarra(k) lortuko bal(it)u…
Bilbo zinemaren ikuspegi berriekin beteko du Zinebik, ikus-entzunezkoaren formula nagusien aurrean
Ione Hernandezek "Hermanas" aurkeztu du Semincin
Fantasiazko eta beldurrezko zinemak Donostia beteko du astebetez, urriaren 30etik aurrera
Paul Urkijo “Hiru olatuak” thriller psikologikoa filmatzen hasi da
