Txakolinaren garraztasuna kontrolatzeko protokoloa prestatu du EHUk
Euskal ardo tradizionalaren hartzidura malo-laktikoan esku hartzeko protokolorik egokiena azaltzen du EHUko GrAL batek. Proiektuak txakolinean fermentazio malo-laktikoak egitean upategietan sortutako arazoak ikertzen ditu, ñabardura ezberdineko produktu bat sortzeko.
Ardogintzaren arloan ikertutako eremuetako bat txakolinaren garraztasunaren kontrola izan da. Alor horrek ikertzaile, enologo eta ardogileen arreta erakarri du, hori baita, hain zuzen ere, produktuaren ezaugarri nabarmenetako bat.
Aritz Mokoroa Garmendiak egindako eta EHUko Kimika Fakultateko Unai Ona Ugaldek eta Ane Bordagarayk zuzendutako ‘Bideratutako hartzidura malo-laktikoak txakolinaren elaborazio prozesuan’ gradu amaierako lanean aztertu da txakolinaren garraztasuna dela hartzidura malo-laktikoa aldatzen duen prozesu biokimikoa.
GrALaren ondorioen arabera, jatorri laktikoa duten bakterioek azido malikoa azido laktiko bihurtzen dute, eta, ondorioz, azidotasun gutxiagoko eta kalitate handiagoko produktua lortzen dute.
Prozesu fidagarria
Txakolinean hartzidura malo-laktikoa gauzatuko duen prozesu fidagarria lortzeko, lau protokolo desberdin gauzatu dira, eta horietan bakterio laktikoa inokulatzeko bi metodo aztertu dira: ko-inokulazioa eta inokulazio sekuentziala.
Gainera, inokulazio-metodo desberdinen protokoloetako bakoitzean bi errepikapen egin dira, eta horietan aitzindari aromatikoak gehitu dira hartziduran duten eragina aztertzeko. Modu horretan lortu zen hartzidura malo-laktikoaren prozesua menderatzea upategiko txakolinaren ekoizpenean.
Bestalde, ikusi da aitzindari aromatikoak gehitzeak onura handiak ekarri dizkiola txakolinari, hartzidura malo-laktikoan gerta daitezkeen akats organoleptikoak konpentsatuz.
Era berean, aztertuta analisi sentsorialaren bidez hartzidura malo-laktikoak txakolinari emandako zantzuak, esan daiteke hartzidura malo-laktikoa ez dela egokia hasieran planteatzen zen beste ildo bateko txakolina lortzeko. Hala eta guztiz ere, hartzidura malo-laktikoa txakolinaren garraztasuna kontrolatzeko teknika egokia dela ondorioztatu da, desazidotze kimikoaren aurrean onurak erakusten baititu, gaur egun upeltegiek asko erabiltzen duten teknika.
Ondorio gisa, lanak planteatzen du txakolinaren hartzidura malo-laktikoa gauzatzeko protokolorik egokiena elkarrekiko inokulazioaren bidez egin dela, Stimula Chardonnay aitzindari aromatikoa gehituta, bai upategi mailan aplikatzeko dituen erraztasunengatik, bai ardoari eskaintzen dizkion ezaugarriengatik.
Zure interesekoa izan daiteke
Hainbat errei itxi dituzte Bizkaiko eta Gipuzkoako errepideetan, luiziak eta ur putzuak direla eta
BI-630 errepidean errei bat itxi dute Karrantza parean, luizi bat izan baita. Halaber, lur-jausi bat izan da N-1 errepidean ere, Idiazabal parean, eta errei bat itxi behar izan dute. Hori guztia dela eta, Segurtasun Sailak arretaz gidatzea gomendatzen du.
Amaitu dira auto-ilarak BI-10 errepidean, Barakaldo parean bi ibilgailuk istripua izan ondoren
Ezbeharra 124. kilometroan gertatu da, Donostiarako noranzkoan, eta bost kilometrorainoko auto-ilarak sortu dira.
Albiste izango dira: Ibaien egoera, noiz atertuko du? eta greba Tubos Reunidosen
Gaurkoan Orain-en albiste izango direnen laburpena, bi hitzetan.
Ibaiak oso beteta gauean, baina egoerak hobera egin du
Prezipitazio handien ondorioz, uholdeak izan dira hainbat tokitan, garajeetan eta etxebizitzetan, batez ere Butroe ibaiaren arroan. Marurin 36 auzokideri eragin die.
Harritzar bat zintzilik geratu da N-634 errepidearen gainaldean, Getaria parean
Eguerdia pasatxo zenean, tamaina handiko harri bat erori da mendian behera, baina burdinezko sareak eutsi egin ahal izan dio. Astearte goizean hasiko dituzte erretiratzeko lanak, eta bien bitartean, errepidea irekita dago.
Sei pertsona zauritu dira Faltzesen, beren autoa bidetik irten ostean
Zauritu guztiak ospitalera eraman dituzte eta ingresatuta geratu dira, pronostiko erreserbatuarekin. Horietako bost adin txikikoak dira.
Maila horian daude Abetxuko, Sangroniz eta Mungiako estazioak, uholde arriskuagatik
Euskalmetek jakinarazi duenez, datozen orduotan ere euria barra-barra egiten jarraituko du, ia etenik gabe, batez ere, Kantauri isurialdean.
Butroe ibaiak gainezka egin du Mungia parean
Euriteen ondorioz, Butroe ibaiak gainezka egin du Mungia parean, eta bertako Udalak autoak toki garaietara mugitzea gomendatu die herritarrei.
Nafarroak 4,7 milioi aktibatu ditu auto elektrikoaren erabilera bizkortzeko
"Tximista Auto" plan berriak ibilgailu bakoitzeko 5.500 eurorainoko laguntzak eta azpiegituretarako zuzeneko laguntza indartzen ditu.
Berriro ekin diote Bidasoa ibaira salto egin zuen gizonaren bilaketari
Antza, pertsona batek bi gizon ikusi ditu igande goizaldean ibilgailuak garbitzeko gune batean lapurreta egiten, Irunen, eta ertzainak heldu direnean, horietako batek uretara egin du salto; bestea, 31 urteko gizasemea, atxilotu egin dute.