Epaiaren zain geratu da Enrichen, Lunaren eta Silvestreren aurkako epaiketa
Sergi Enrich, Antonio Luna eta Eddy Silvestre futbolarien aurkako epaiketa epaiaren zain geratu da. 2016ko apirilean emakume batekin sexu-harremanak izaten ari zirela bideo bat grabatzeagatik, haren baimenik gabe, eta ondoren zabaltzeagatik auzipetu dituzte.
Ministerio Publikoak eta akusazio partikularrak bi urteko kartzela-zigorra eskatu dute Enrich eta Lunarentzat. Hasiera batean, bost eskatzen zituzten, baina gertakariak aitortu eta biktimari barkamena eskatu izanaren aringarriak ezarri dizkiote. 110.000 euroko kalte-ordaina ere eman diote biktimari egindako kalteagatik, eskatutakoa baino gehiago.
Silvestreren kasuan, Ministerio Publikoak eta akusazio partikularrak bi eta hiru urteko kartzela-zigorra eskatu dute, hurrenez hurren, eta 30.000 euroko kalte-ordaina.
Donostiako zigor-arloko 3. epaitegiko epaiketaren bigarren eguna 15: 30etik arratsaldeko zazpiak arte luzatu da, akusatuek azken hitza hartu duten arte. Luna eta Enrich ez dira kartzelara joango, "baldintzak betetzen direlako eta erantzukizun zibila ordainduta dagoelako".
Enrichek eta Lunak barkamena eskatu diote biktimari. "Gertatutako guztiaz damutzen naiz eta barkamena eskatzen dut berriro", adierazi du Enrichek. Lunak "barkamena" eskatu dio, eta bideoa baimenik gabe grabatzea eta zabaltzea "akats izugarria" izan zela adierazi du. "Berari eta bere ingurukoei eragindako mina sentitzen dut", gaineratu du.
Silvestrek, bere aldetik, "gai honekin asko sufritu" duela esan du. "Biktima ere ulertzen dut, baina nik ez dut ezer egin. Horregatik ezin izan dut akordiorik lortu. Nire egia borrokatuko dut ez dudalako ezer egin eta bizitza osoan jarraituko dut esaten ", gaineratu du.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.