Vueltak aldaketak eragingo ditu trafikoan Gipuzkoako errepideetan
Gaur, urriaren 20an, Espainiako Itzuliak hainbat aldaketa eragingo ditu Gipuzkoako zenbait errepide eta kaletan.
Arrateko eta Urduñako mendateak jenderik gabe igotzera behartuko dituen osasun larrialdiko neurriek markatuko dute aurtengo Vuelta.
Trafikoan eragina
Espainiako Vueltaren lehen etapa, 173 kilometrokoa, gaur korrituko dute, eta honako ibilbidea izango du: Irun, Errenteria, Donostia, Hernani, Orio, Zarautz, Getaria, Zumaia, Azpeitia, Azkoitia, Zumarraga, Legazpi, Oñati, Bergara eta Eibar.
Irteera Ficoban izango da, 12:51n. Lasterketak Irungo erdigune osoa zeharkatuko du. Santiago zubia itxi egingo da trafikoarentzat 07:00etatik 16:00ak aldera arte. GI-636 errepidea 12:15ean itxiko dute, Oximbiribil biribilgunean eta Zubimusun. Ordu horretatik aurrera, Irun blokeatuta geratuko da eta autobidetik baino ezingo da ibili. N-636an, Errenterian, Altamirako tunela itxiko dute 12:30ean. Udalerria eta GI-636 errepidea ez kolapsatzeko, bide alternatiboak erabiltzea gomendatu dute. Lasterketaren burua igaro baino 40 minutu lehenago moztuko dituzte errepideak.
Donostian ere kontuz gidatzeko eskatu du Eusko Jaurlaritzak. Vuelta 13:25ean sartuko da Gipuzkoako hiriburura, eta horrek arazoak sor ditzake hirigunean. Horrez gain, Donostia eta Zestoa artean, N-634 eta GI-631 errepideetatik doazenei kontuz ibiltzeko eskatu die, 14:00etatik aurrerako enpresetako langileen sarrera-irteerak direla eta. Horretarako, ibilbide alternatiboak erabiltzea eta, ahal den neurrian, lantokietara era mailakatuan sartzea gomendatu dute.
Urretxun eta Zumarragan ere, auto-ilarak sortzea espero da.
Murrizketak eta gomendioak
Urriaren 20an, Arratera igotzeko sarrera itxita izango da 08:15etik aurrera, bai ibilgailuentzat, bai bizikletentzat, bai oinezkoentzat (N-634, Azitain, Matxaria eta Izuako igoera, Barinagan). Agintariek esan dute ikastolara sartzea soilik baimenduko dela, baina 14:30ean jaitsi beharko dira ikastetxeko langile eta ikasle guztiak.
Aurretik, mendaterako sarbidea moztu dute hilaren 18an, 19:00etan, azpiegitura muntatzeko, eta helmugara iritsi aurreko azken kilometroa itxita egon da urriaren 19an, 08:00etatik aurrera.
450 ertzain arituko dira lanean lehen etapan, lasterketak Gipuzkoan zeharkatu dituen errepideetan. Segurtasun Sailak Arratera ez joateko eskatu die herritarrei, txirrindulariak arriskuan ez jartzeko.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.