Araban tenperatura 2 gradu igo liteke 2040rako, eta 4 gradu 2071rako
Arabako batez besteko tenperatura bi gradu igo daiteke 2040rako, eta lau gradu izatera irits daiteke 2071-2100 aldirako. Gainera, urtean 18 egunetan bero-boladak egongo dira, eta euririk gabeko egunak bikoiztu egingo dira. Horrek denak eragina izango luke bai biodibertsitatean bai pertsonen osasunean.
Horiek dira, besteak beste, Josean Galera Arabako Ingurumen eta Hirigintzako foru diputatuak ostegun honetan eman duen prentsaurrekoan agerian geratu diren ondorioak, Klima Araba 2050 estrategia egiteko prozesuaren berri emateko egindako agerraldian.
Aldundiak ohar baten bidez jakitera eman duenez, baliteke tenperaturaren igoerak eragin handiagoa izatea Arabako Errioxan, eta uholdeak izateko arriskua handiagoa izatea Aiaraldean; izan ere, klima aldaketaren mehatxu nagusien artean muturreko prezipitazioen igoera ere badago. Horrek guztiak ondorioak izango ditu lurzoru emankorra galduko duen nekazaritzan, baita pertsonen osasunean eta biodibertsitatean ere.
Aurreikuspen horiek iraultzeko, Klima Araba 2050 estrategia lantzen ari da Aldundia. Estrategia horrek lurraldean klima-aldaketa arintzeko eta horretara egokitzeko egin beharreko ekintzak ezarriko ditu.
Estrategia hori lantzeko, foru-erakundeak partaidetza-prozesu bat jarriko du abian. Prozesu horretan, administrazioek, eragileek eta hainbat sektoretako eragin-taldeek hartuko dute parte, hala nola garraioak. Gazteei zeregin garrantzitsua emango zaie, "Gazte Focus Team" ekimenaren bidez.
Klima Araba 2050eko lan-ildoek autohornikuntza sustatzea izango dute helburu, kanpoko iturrien mendekotasuna murrizteko, energia garbiak eta berriztagarriak bultzatzeko eta ibilgailu pribatuaren alternatibei lehentasuna emango dien konektagarritasun- eta mugikortasun-eredu berri bat bultzatzeko. Halaber, oso paper garrantzitsua izango dute azpiegitura berdeek, ekosistemen multifuntzionaltasunak eta biodibertsitatearen kontserbazioak.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.