102 migratzaileak Sizilian lehorreratzeko baimena eman dio Italiak 'Aita Mari'ri
Ostiralean erreskatatutako 102 pertsona migratzaileak Sizilia uharteko Augusta portuan lehorreratzeko baimena eman dio gaur Italiak Aita Mari euskal ontziari, SMH gobernuz kanpoko erakundeak sare sozialetan iragarri duenez. Erreskate ontzia portura goizeko lehen orduan helduko dela uste du gobernuz kanpoko erakundeak.
"Atzo itsas zabalean aurrera eramandako bi laguntza operazioen ostean, erreskatatutako 102 pertsonak lehorreratzeko toki segurua eskatu dugu", jakitera eman du gobernuz kanpoko erakundeak ohar batean. Euskal ontziak Italiari eta Maltari laguntza eskatu die, baina azkenak portua zabaltzea ukatu dio.
Ostiralean Aita Mari-k bi ontzi aurkitu zituen Mediterraneoan, Libiatik 180 bat kilometrora eta Lampedusatik 100 kilometrora. Aurreneko ontziko migratzaileak, 102 pertsona, ontziratu zituzten.
Bigarren erreskate operazioan, ostera, itsasontziaren edukiera gainditzeko arriskuaren aurrean, Italiari eta Maltari laguntza eskatu zioten. Aita Mari-k 124 pertsonarentzako gaitasuna du, tripulazioa barne.
Erantzuna jaso bitartean, Aita Mari-ko tripulazioak migratzaileen segurtasuna bermatu zuen. Horretarako, salbamendu-jakak, ura eta janaria banatu zituen. Ondoren, erantzunaren zain, 46 pertsona horiek Lampedusarantz nabigatzen jarraitzea erabaki zuten.
Erreskatatutako 102 pertsonen artean, 94 gizonezko daude, horietatik 57 adingabeak. Gutxienez hamazortzi 16 urtetik beherakoak dira, eta beste 39 16-18 adin tartean daude. Gainera, zazpi emakumezko daude ontzian, horietako bi haurdun, 17 eta 50 urtekoak, eta 9 hilabeteko neskatxa bat.
Naufragoak "oso ahul daude", ohartarazi du gobernuz kanpoko erakundeak. "Arropa lehorrak, mantak eta jatekoa banatu genien, bidaiaren ostean indarrak berritzeko. Mutil bat klinikan geratu da, hipotermia sintomak dituelako eta erregaiaren lurruna arnastu duelako", tripulazioak azaldu duenez.
"Ontziaren ipurdian zihoala uste dugu, eta bidaia baldintza horietan eginez gero, hiltzeko aukera handiak zituen. Gainerakoek tortura zantzuak dituzte: tiroak oinetan, erredurak eta hausturak", erantsi du.
"Itsasoan migratzen ari diren pertsonen salbamenduan Europaren esku hartzea eskatzeko aprobetxatu nahi du SMHk. Ezin daiteke gobernuz kanpoko erakundeen eta gizartearen erantzukizuna izan. Gainera, krisi larri eta iraunkor honi heltzeko bide politiko bakarra migraziorako bide legalak eta korridore humanitarioak sortzea dela agerian geratu da", planteatu du gobernuz kanpoko erakundeak oharrean.
Zure interesekoa izan daiteke
Beste elur-jausi hilgarri bat izan da Pirinioetan
Cerler estazioan, Huescan, 25 urteko eskiatzaile bat hil da elur-jausi batek harrapatuta, Cebolles mendian, pistatik kanpo. Negu beltza izaten ari da Pirinioetan, eta dagoeneko zortzi pertsona hil dira denboraldi honetan elur-jausiengatik.
Adamuzeko 45 hildakoen aldeko hileta elizkizuna, Huelvan
5.000 lagun inguru elkartu dira ospakizuna egin den kirol-pabilioian. Gotzainen Batzarreko presidenteak eta Huelvako gotzainak gidatu dute elizkizuna.
Aurrekarien ziurtagiria eskatzeko ilara luzeak sortu dira egunotan Estatuko kontsulatuetan
Aste honetan iragarritako migratzaileen erregulazioaren harira, egunotan ilara luzeak sortu dira Estatuko hamaika kontsulaturen aurrean. Kasu deigarriena Bartzelonan izaten ari dira. Pakistango dozenaka pertsona kontsulatuaren aurrean pilatu dira, aurrekarien ziurtagiria eskatzeko.
Eusko Jaurlaritzak iraungitako beste bi txerto atzeman ditu, 78 kalteturekin
Zehazki, tetrabalenteari (49 pazienteri eragin diezaiekeena) eta txerto hirukoitz birikoari (29 kasu potentzialekin) dagozkie intzidentzia berri horiek. Azkenik, 30 pertsona baino gutxiago txertatu beharko dira berriro hexabalentearen harira.
Nafarroako Auzitegi Nagusiak bidezko jo du lanbide-zentro bateko arduraduna kaleratzea sexu-jazarpenagatik
Auzitegiak uste du pertsona hori kaleratzera eraman zuten gertaerek "gaitzespen etiko eta moral handiena" merezi dutela, eta kaleratzea "neurri egokia" izan zela.
Fiskaltzak iraungitako txertoen kasua ikertuko du, osasun publikoaren aurkako deliturik izan den argitzeko
Pazientearen Defendatzailearen Elkarteak eskatu du ikerketa zabaltzea. Erregistratu duen idatzian dio iraungitze data "ez egiaztatzea" nahikoa arrazoi badela lan hori dagokionari "ardurak" eskatzeko.
Bilboko Udalak ez du atxilotuen jatorria argitaratuko "ekarpenik ez duelako egiten" eta "delituzko jarduera ez duelako justifikatzen"
Bilboko Udaleko osoko bilkurak PPren proposamen bat eztabaidatu du ostegun honetan, atxilotuen nazionalitatea publiko egitearen alde egiten zuena, eta Elkarrekin Bilbaoren beste bat, hori saihestea eskatzen zuena. Testu horien ordez, gobernu taldeak (EAJ-PSE) porposatutako aldaketa-zuzenketa bat onartu da -EH Bilduk babestu du, PPk aurka bozkatu du eta Elkarrekin abstenitu egin da-, zeinak gobernu taldeari eskatzen dion segurtasun-politika eta bizikidetza indartzeko, segurtasun itunaren esparruan.
Adingabeen aurkako sexu-indarkeria digitaleko kasuen epaiketak gehiegi luzatzen direla salatu du Save the Childrenek
GKEak salatu duenez, prozesuen % 60 baino gehiago hiru urte edo gehiago luzatzen dira, eta Interneten haurren aurkako sexu-delituengatik jarritako salaketak % 13 hazi dira bi urtean.
Futbol emankizunak pirateaturik ematen dituzten tabernak salatzea 50 eurorekin sarituko du Ligak
Futbol emankizunen legez kanpoko emisioen aurka borrokatzeko estrategian, klub profesionalen patronalak salaketa-kanal "azkarra, intuitiboa eta konfidentziala" eskainiko du, kontsumitzaileek ostalaritza-establezimenduak salatu dezaten, 50 euroren truke.
"Datuetan oinarrituta, kronifikazio patroi bat identifikatzen bada" erabakitzen da ikastetxe bat fusionatzea edo ixtea, Pedrosaren hitzetan
Euskadi Irratiko Faktoria irratsaioan egindako elkarrizketan Begoña Pedrosa Hezkuntza sailburuak azaldu duenez, matrikulazio datuak urtetik urtera murrizten doazen ikastetxeak itxiko dira, besteak beste, eta "aldaketa estruktural hori" ikastetxe horien zuzendaritzarekin adosten dira beti.