Parke eolikoek ingurumen-irizpideak zorrotz bete beharko dituztela ziurtatu du Tapiak
Arantxa Tapia Garapen Ekonomiko, Iraunkortasun eta Ingurumen sailburuak esan du "ingurumen bermeak dituzten energia berriztagarriak" behar direla, eta, ildo horretan, parke eolikoak jartzeko proposamen guztiak "zorrotz" aztertzen direla eta ez dela martxan jarriko araudiak ezarritako ingurumen irizpideak "betetzen ez dituen" bat bera ere.
Radio Vitorian egindako elkarrizketa batean azaldu duenez, hainbat parke eoliko eta fotovoltaiko izapidetze prozesuan daude eta "eta guztiak dira garrantzitsuak", baina horiek ez dira "edozein preziotan" martxan jarriko. "Parke eolikoak behar ditugu, baina beti biodibertsitatea eta ingurumenaren babesa bermatuta", adierazi du.
Tapiak ohartarazi duenez, energiaren prezio altuek ere zerikusia dute "energia berriztagarri gehiago martxan jartzeko beharrarekin". Euskadiren kasuan "berriztagarri gutxi" sortzen dela azpimarratu du, eta, hori dela eta, "esfortzua" egin behar dela esan du, bai parke handiak bai instalazio txikiak martxan jartzeko, "dena beharrezkoa izango delako".
Albiste gehiago gizartea
Williams anaiek ukatu egin dute "inolako deliturik egin izana" luxuzko auto bat erostean
Erosketarekin lotutako ustezko iruzur bati buruz Agoitzeko epaitegi batean jarritako salaketa asteazkenean zabaldu zuten hedabide batzuek, Iñaki Williams Athleticeko kapitainak ultraeskuinari buruz egindako adierazpenen biharamunean.
Tigre-eltxoek kutsatzen duten chikungunya gaitzaren kasu bat agertu da Lapurdin
Hendaian bizi den gizon bat da gaixoa. Azken 15 egunetan ez du bidaiatu eta, beraz, bertan kutsatu dela susmatzen dute. Ez dago larri. Hendaiako Udalak iragarri du desinfekzio lanak egingo dituela larunbat gauean.
Zaramagak horma-irudi berri batekin gogoratuko du 1976ko martxoaren 3a
30 pertsonako artista taldea ari da Gasteizko auzo horretan zegoen aurreko murala ordezkatuko duen irudi berria prestatzen.
42 urteko gizon bat atxilotu dute Gasteizen, bikotekide ohiari botilaz mehatxu egiteagatik
Biktimaren arabera, biek eztabaida izan zuten, haren etxebizitzan, eta elkarrekin borrokatu ziren. Gizonak mehatxu egin zuen eta liskarrak kalean jarraitu zuen, oinezko batzuek gizonari alde eginarazi zioten arte.
Berdintasun Ministerioak baieztatu du Zizur Nagusiko hilketa genero indarkeria kasu bat dela
Aldez aurretik ez zegoen indarkeriagatiko salaketarik ustezko erasotzailearen aurka. Espainiako Estatuan indarkeria matxistak aurten hildako emakumeak 23 dira dagoeneko, eta, guztira, 1.317 dira biktimak zenbatzen hasi zirenetik, 2003tik.
Sei haur gazatar artatuko dituzte Euskal Herriko ospitaleetan
Horietatik hiru Gurutzetako Ospitalera eramango dituzte, bi, Donostiako Ospitalera, eta seigarren bat Nafarroako Ospitalean artatuko dute. Zaragozako aireportu militarrera iritsiko dira arratsaldeko 18:00ak inguru, gaur goizean Jordaniako hiriburutik, Amanetik atera den hegaldi batean.
Amaitu egin da EuskarAbentura, Getxon, Euskal Herrian zehar hilabete eman ondoren
15 eta 17 urte bitarteko ehun gaztek baino gehiagok Euskal Herria oinez zeharkatu dute, euskararen erabilera sustatu, kultura ezagutu eta hizkuntzaren etorkizunarekin konprometitutako hiztun sarea eraikitzeko.
Jacob Elordi aktorearen aitona Ondarroatik Australiara joan zen, azukre-kanabera plantazioetan lan egiteko
1958 eta 1963 artean, Espainiako pasaportea zuten ia 8.000 langile Australiara joan ziren, azukre-kanaberaren plantazioetan lan egitera; 2.500, euskal herritarrak. Gaur egun, migratzaile haien ondorengoek eta harrezkero iritsitakoek komunitate sendoa osatzen dute Queenslanden. Joaquin Elordiren kasua da, Jacob Elordi aktore ospetsuaren aitona.
Getxoko alkateak salatu du herriko jaietan Poliziaren lana oztopatu izana, eta errespetua eskatu du
EITBk jakin duenez, Udaltzaingoak dei bat jaso zuen, pertsona batek adingabe bati ukituak egin zizkiola salatzeko. Gazte talde batek ustezko erasotzailea identifikatzea eragotzi zuen.
Bengoetxea (EHU): "Akordio honen helburua da unibertsitateen arteko lankidetza-ildoak areagotzea"
Joxerramon Bengoetxea Euskal Herriko Unibertsitateko errektoreak Boise State Universityrekin batera sustatuko den eta "nazioartekotze estrategia" indartuko duen Itsas-Gaindiko Campusaren garrantzia azpimarratu du.